Herf

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.

Liegking van Herf in de provincie Luuk

Herf (officieel Herve) ies 'n gemeinte en 'n sjtad in de provincie Luuk in Belsj. De sjtad tèlt ca 16.500 inweunersj. De gemeinte haet 'n oppervlakte van 56,98 km².

[bewirk] Kerne

Sjtadhoes

De dörper en gehuchte:

Battice
Chaineux
Grand-Rechain
Julémont
Xhendelesse
Bolland
Charneux
José
Bruyères
Manaihant

[bewirk] 't Land van Herf

't Land van Herf liek in 't noorde van de provincie Luuk en sjtrek ziech oet van de sjad Luuk tot aan de Duutsje grens. De naam kump van de plaats Herf, die in 't zuje liek. 'ne Ander naam ies Land van Overmaas. In de heuvele Herf, de lièg Ardenne geneump, liegke väöl vièbedrieve.
De sjtreek ies hièl bekènd um ziene sjtinkkiès, Herfs kièske geneump.
Aan de noordkant grens de Voersjtreek.

[bewirk] Bezeenswaerdig in Herve-sjtad

Kèrktore

De katholieke kèrk gewiejd aan Maria en Johannes de Duiper oet de 17e ièw. De tore, van 49 maeter hoag, ies mieddelièws oet de 13e ièw.
De Zès fonteine, 'n geboew mèt 6 róndbäög woa-achter ziech 6 sjteine fonteine bevinge.
'n 17e ièws kloaster en 'n 19e ièws kloaster
Sint Elisabethhospitaal oet 1400. Herboewd in 1652.
Sint Jozef kapel oet de 18e ièw
Kapelke van Jezus,Maria, Jozef oet 1823
Vakwerkhoes oet de 17e ièw
18e-ièwse fontein Denis Dumont
Haof Nazareth
18e-ièwse watermeule
Theresia van Lisieuxkapel oet 1928