Beowulf
Van Wikipedia
- Dit artikel is gesjreve in 't Norbiks. 't Weurt gewaardeerd óm in dit artikel woe meugelik 't Norbiks aan te hawte.
't Aod-Ingelsj episch verhaol Beowulf oet ca. 700 n. Chr. zit zich oetèèn mit 'n universeel thema. 't Vertilt 't ieëwenaod verhaol van 'ne dappere en edele haeld dae luuj redt, die zich in groeët gevaar bevinde. D'r achtergroond van 't verhaol is d'r ieëwige sjtrijd tussje de krachte va leech en duusternis. Mit dit heldegedich begint de literatuur in 't Ingelsj.
[bewirk] Oonbekaande dichter
D'r oonbekaande dichter haat de orizjineel Germaanse elemaente gecombineerd mit 't christelek geleuf. D'r God in d'r 29ste regel is d'r Christeleke God, en Grendel is zjuus wie Kaïn in 'ne sjtaot van 'däör God verlaote'. Beowulf reflecteert de ideale van 'n samelaeving oeë-in de loyalitèètsbeng tussje d'r Hieër en z'n vazale en tussje de lede van d'r clan centraal sjteunt. 't Gedich priest de deugde va mood, kracht en oethoudingsvermoge. Achter de baovenatuurleke woondere en sjpannende avonture ligkt 'n eenvoudig en sjtaerk geleuf in de waeërd van heldendom en 'n stoïciense acceptatie van wat kaome geet. 't Gedich geet sjtil en mit sjtijgende ernst van melancholie nao 'n atmotsfeer van terreur. Al d'r tied blief v'r os bewus van de kracht van Wyrd, dae 't korte laeëve van de luuj bepaald. D'r miensj is neet mieë es e kwetsbaar waeëze op de golve van 't lot. Mae e kint groeët waeëre dör d'r roem dae 'm zal uvverlaeve. Toch kint d'r groeëtste vechter neet ummer winne want fale is 'n essentieel oonderdeel van e miensjlaeve.
[bewirk] De taal
Beowulf is gesjraeëve in 't Angelsaksisch of Aod-Ingelsj.
[bewirk] Inspiratie vör aander waerk.
- Tolkien haolde zien inspiratie oet Beowulf bie 't sjrieve van de beuk In de ban van de ring.
- Och Shakespeare verwirkt elemaente oet Beowulf in z'n waerk, zowie in Hamlet o.m.: Denemarke es lokatie, hekse die de woeërheed oet 'n orakel haole en 'ne sjedel dae zoewaal Hamlet es Grendel an hunne vader, dae hun handele bepaalt, herinnert.
