Alkmaar
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Alkmaar is 'n stad in 't hart vaan de Nederlandse provincie Noord-Holland mèt op 1 januari 2004 94.121 inwoeners. Neve de stad Alkmaar bevat de gemeinte de dörper Koedijk, Omval en Oudorp. Alkmaar is 't verzörgingcintrum vaan de kop vaan Noord-Holland en nao Amsterdam en Haarlem de groetste stad vaan die provincie. De stad weurt um häör steidesjoent en de folkoristische kiesmerret (edersvriedeg) door väöl toeriste bezoch.
[bewirk] Stadsbild
De stad heet 'n aontal intersante kèrke, wie de Sint-Laurenskèrk, de Kapelkerk en de neogotische Sint-Laurenskèrk vaan Cuypers. 't Bekindste gebouw is evels wel de Wieg, aon de Groete Merret, boe me vriedegs de kiesmèrret hèlt. Ouch 't stadhoes is intersant. Wijers is in 't Alkmaars cintrum weineg gesloop, wat de ganse binnestad hiel zeenswierdeg maak.
[bewirk] Historie
Alkmaar is in de elfde ieuw veur 't iers geneumd, rissorterend oonder Heiloo. In de twelfde ieuw laog 't in de frontlinie vaan de strijd tösse de Hollanders en de Wes-Frieze. De Hollandse graof gaof de plaots in 1254 stadsrechte. In 1492 woorte de privilezjes evels gesjort, umtot de stad aon de Rebellie vaan 't Kies- en Broedvolk mètdeeg. In 1573 woort de stad door d'n Heertog vaan Alva belag; zoonder succes evels - me sprèk in de historiesjrieving vaan Van Alckmaer de victorie. Dit waor 't kierpunt in d'n Tachtegjaoregen Oorlog. In de zeventiende ieuw maakde me de mere in de umgeving droeg, wat tot de bleuj vaan de stad bijdraog. Evels kós de stad neet in de Zuiderzeehandel participere, zoetot de stad in de sjaduw vaan Enkhoeze en Hoorn kaom te stoon. In de negentiende ieuw oontwikkelde ze ziech wier bove die oet, door de ontwikkeling vaan spoorweeg en 't grave vaan 't Noordhollands Kenaal en zien strategische ligking dao-aon, midde in 't land.
