Barcelona
Vu Wikipedia, der fräier Enzyklopedie.
| Barcelona | |
|---|---|
 |
|
 |
|
| Land |  Spuenien |
| Regioun: | Katalonien |
| Provënz: | Barcelona |
| Koordinaten: | 41° 24′ N, 2° 10′O |
| Fläch: | 100,40 km² |
| Awunner: | 1.593.075 (2005) |
| Bevëlkerungsdicht: | 15.867 / km² |
| Héicht: | 12 m i. NN |
| Buergermeeschter: | Joan Clos |
Barcelona ass d'Haaptstad vun der spuenescher Provënz an autonomer Regioun Katalonien.
Inhaltsverzeechnes |
[Änneren] Geographie
Barcelona läit um Mëttelmier am Nordoste vu Spuenien, ongeféier 160 km südlech vun de Pyrenäen an der Grenz mat Frankräich. Et ass di zweetgréisste Stad a Spuenien an di gréissten a Katalonien. Mat de Viruerter liewen hei ronn 3 Mio. Awunner.
[Änneren] Distrikter
Barcelona ass an 10 Distrikter agedeelt:
- Distrikt Ciutat Vella
- Distrikt Ensanche (Eixample)
- Distrikt Sants-Montjuïc
- Distrikt Les Corts
- Distrikt Sarrià-Sant Gervasi
- Distrikt Gràcia
- Distrikt Horta-Guinardó
- Distrikt Nou Barris
- Distrikt Sant Andreu
- Distrikt Sant Martí
[Änneren] Klima
Barcelona huet e mediterrant Klima. Während all de Joereszäiten sinn hei agréabel Temperaturen mat meeschtens sonnegen Deeg. Den August ass dee wäermste Mount mat ëm di 30 Grad, tëscht dem November an dem Februar leien Temperaturen am Duerchschnëtt bei 12 Grad.
[Änneren] Geschicht
[Änneren] Demographie
Barcelona ass mat iwwer 1,5 Mio. Awunner di zweetgréisste Stad vu Spuenien an di gréisste vu Katalonien. Menschen.
[Änneren] Kultur a Kuckeswäertes
Barcelona huet eng laang Geschicht, an et fënnt een hei vill Bauwierker aus der Romanik, Gotik, Renaissance oder esouguer nach méi al Epochen. Ëm d'Joerhonnertwenn war Barcelona en Zentrum vum modernistesche Stil, an et war haaptsächlech den Antoni Gaudí, deen zesumme mat aneren, der Stad en neit Gesicht ginn huet. Di bekannteste sinn hei d'Sagrada Familia, d'Casa Milà, de Park Güell oder nach d'Casa Batlló.
[Änneren] Muséeën
Déi grouss Auswiel vu Musséeën zu Barcelona sinn ofwiesslungsräich. Et geet do vun zäitgenëssescher Konscht bis hinn zu romanesche Fresken. Et gi bis zu 50 verschidde Musséeën a Sammlungen. 1985 hunn d'Renovatiounsaarbechten un alle städtesche Muséeën ugefangen an di mescht si mëttlerweil erëm fir di Interesséiert op. Di wichtegst Musséeën sinn:
- de Museu Frederic Marès mat enger bedeitender Skulpturesammlung vu Spuenien
- de Museu Picasso, dee meescht besichtene Musée mat Wierker vum moderne Kënschtler aus sénger Ufängerzäit
- d' Fundació Joan Miró, vum Miró selwer gegrënnt, fënnt een hei Wierker vun him vu séngen éischten Zeechnungen am Joer 1901 bis zu sénge leschten Monumentalbiller
- de Museu d'Art de Catalyna, mat weltwäit eenzegartege romanesche Konschtwierker
- den Centre de Cultura Contemporània, den Zentrum fir zäitgenëssesch Konscht
- de Museu d'Història de la Ciutat, de Stadmusée an de Katakomben mat katalanescher Geschicht
[Änneren] Evenementer
- 1888: d'Weltausstellung
- 1929: d'Weltausstellung, zusamme mat Sevilla
- 1992: d'Olympesch Summerspiller
- 2004: Vu Mee bis September den Internationale Forum vun de Kulturen
[Änneren] Linken
[Änneren] Kuckt och
- Lëscht vun de spuenesche Groussstied
- Antoni Gaudí (1852 - 1926), grousse spueneschen Architekt
