Ardennenoffensiv
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Ardennenoffensiv war eng Schluecht am Zweete Weltkrich, déi sech virun allem an de Lëtzebuerger a belschen Ardennen ofgespillt huet. Op Englesch gëtt se Battle of the Bulge genannt, wéinst der "Bëlz", déi an der Front entstane war. Den däitschen Etat-major hat hir de Codenumm "Wacht am Rhein" ginn. Heiansdo gouf se och "Rundstedt-Offensiv" genannt. Si war ee leschte Versuch vun der Wehrmacht, d'alliéiert Front am Westen opzebriechen an ze splécken, fir den Hafe vun Antwerpen zeréck z'erueweren. D'Ardennenoffensiv huet vum 16. Dezember 1944 bis de 27. Januar 1945 gedauert.
Déi däitsch Arméien hunn mat 240 000 Zaldoten hir Ardennenoffensiv a Richtung Hafen vun Antwerpen gestart. Bezweckt war fir déi amerikanesch Truppen vun hirem Noschub ofzeschneiden a gläichzäiteg e Käil tëschent si an déi englesch Truppen ze dreiwen. Zwar hunn déi 83 000 Amerikaner, déi hinne gegeniwwerstoungen, sech stur gewiert. Mee si konnten net verhënneren, dat déi däitsch Iwwermuecht d'Éislek an déi belsch Ardennen am éischten Ulaf besat huet. Réischt no Chrëschtdag, wéi d'Wieder sech opgeklärt huet, ass et der 3. Arméi vum Generol Patton, déi aus der Sarre ofgezu ginn ass, gelong, déi ageschlosse belsch Stad Baaschtnech ze befreien an déi däitsch Zaldoten hannert de Westwall zeréckzedreiwen.
D'Verloschter op den 2 Säite waren héich (Dës Chiffre si vum Cercle d'Etude sur la Bataille des Ardennes opgestallt):
- D'Amerikaner hunn 83 987 Mann verluer. dovun 10 276 Doudeger, 47 493 Verwondter,
23 218 Vermësster an 15 000 Gefaangener.
- Op däitscher Säit hunn d'Affer d'Zuel vun 81.834 Mann errécht, dovun 12 652 Doudeger, 38 600 Verwondter, 30 582 Vermësster an 16 000 Gefaangener.
- D'Englänner hunn 1408 Persounen verluer, dovun 200 Doudeger.
Inhaltsverzeechnes |
[Änneren] Literatur
[Änneren] Lëtzebuergesch Bicher
- Maertz, Joseph: Luxemburg in der Rundstedt-Offensive. Das Duell Patton - von Rundstedt in den Oeslinger Bergen, 1947, Sankt-Paulus-Druckerei A.G. Luxemburg, 477 Säiten.
- Rasqué, Fritz: Das Oesling im Krieg,1988, Editions Emile Borschette, 724 Säiten
- Milmeister, Jean: Die Ardennenschlacht 1944-1945 in Luxemburg, 1994, Éditions Saint-Paul, 1015 Säiten. (Eng Fläissaarbecht sonnergläichen!)
[Änneren] Auslännesch Bicher
- MacDonald, Charles B.: The Battle of the Bulge, 1984, Weidenfeld and Nicolson, London, 712 Säiten.
