Johannes Paul II.
Uß de Wikipedia för Ripuarisch Shprooche.
Johannes Paul II., bürjerliche Naam Karol Józef Wojtyła (* 18. Mai 1920 en Wadowice beij Krakau, Pole; † 2. April 2005 em Vatikan) es am 16. Oktober 1978 zom 264. Paps vun d'r Römisch-Katholische Kirch jewählt wudde. Sing Pontifikat vum 16. Oktober 1978 bes zom 2. April 2005 hätt net nur die Endphas vum Kaale Kreesch enjeleit sondern och die Zigck donoh stärk jepräsch. Johannes Paul II. wor dä Paps met dä längste historisch beläschbare Ambszigck noh_em Pius IX.. Singe Vürjänger wor Johannes Paul I., dämm sing Pontifikat nur 33 Daach geduurt hätt. Singe Opfolger es Benedikt XVI.
