Jeffrey Dahmer

Úr Wikipediu, frjálsa alfræðiritinu

Jeffrey Lionel Dahmer (21. maí 1960 - 28. nóvember 1994) var bandarískur raðmorðingi, líkhneigður og mannæta. Dahmer myrti 17 unga menn á árunum 1978 til 1991.

[breyta] Yngri ár

Dahmer fæddist í Milwaukee, Wisconsin. þegar hann var átta ára gamall flutti hann með fjölskyldu sinni til Bath í Ohio. Dahmer var snemma feiminn. Sem krakki naut hann þess að pynta dýr og á kynþroskaaldri fór hann að dreyma um að gera hið sama við manneskjur. Farið var illa með Dahmer í æsku og þjáðist hann af mjög lágu sjálfsmati og skorti á sjálfstrausti. Foreldrar hans skildu á meðan hann var enn aðeins táningur.

Faðir hans fékk hann til að ganga í herinn og starfaði hann þar sem herlæknir. Dahmer var staðsettur í Þýskalandi en seinna var hann rekinn vegna drykkjusýki. Árið 1988 var Jeffrey handtekinn fyrir að áreita 13 ára gamlan dreng kynferðislega. Þar með var hann skráður kynferðisafbrotamaður. Stuttu eftir þetta byrjaði hann að myrða fólk, sem endaði með handtöku hans 1991.

[breyta] Morð

Dahmer framdi sitt fyrsta morð þegar hann var átján ára gamall. Hann myrti Steven Hicks. Jeffrey bauð Steven inn til sín og höfðu þeir kynmök og eftir þau drap hann Stevens vegna þess að „hann vildi ekki að hann færi“. Notaði Dahmer lóð til þess. Hann framdi 16 önnur morð á árunum 1978 til 1991. Flest fórnarlömbin voru svört. Hann bauð þeim heim til sín og er þangað var komið gaf hann þeim drykk sem hann var búinn að lauma í svæfingarlyfi. Sumarið 1991 var Dahmer á „hátindi“ sínum, myrti um það bil einn dreng á viku.

Dahmer var dæmdur 1991. Hann fékk fimmtánfaldan lífstíðardóm eða 957 ár. Í fangelsinu var hann myrtur af svörtum föngum með kústskafti.