Arabíuskaginn

Úr Wikipediu, frjálsa alfræðiritinu

Arabíuskaginn á samsettri gervihnattarmynd

Arabíuskaginn, eða einfaldlega Arabía, er skagi í Suðvestur-Asíu á mörkum Asíu og Afríku. Skaginn teygist út í Indlandshaf og markast af Rauðahafi að Akabaflóa í vestri, Arabíuhafi í suðri og Ómanflóa og Persaflóa í norðaustri.

Eftirfarandi ríki eru á Arabíuskaga:

• Sádí-Arabía
• Kúveit
• Jemen
• Óman
• Sameinuðu arabísku furstadæmin
• Katar
• Barein

Norðurmörk Arabíuskagans eru við Sagrosfjöll þar sem Arabíuflekinn rekst á Asíuflekann. Af þessari ástæðu eru eftirfarandi ríki einnig á Arabíuskaganum að hluta:

• Írak
• Heimastjórnarsvæði Palestínumanna
• Ísrael
• Jórdanía
• Líbanon

Arabíufskaginn liggur á eigin jarðfleka, Arabíuflekanum.

Sádí-Arabía nær yfir stærstan hluta skagans og flestir íbúanna búa þar og í Jemen. Á skaganum eru miklar olíulindir og þar eru helgustu borgir múslima, Mekka og Medína, báðar í Sádí-Arabíu.

Þessi grein sem fjallar um landafræði er stubbur. Þú getur hjálpað til með því að bæta við hana