8. febrúar

Úr Wikipediu, frjálsa alfræðiritinu

8. febrúar er 39. dagur ársins samkvæmt gregoríska tímatalinu. 326 dagar (327 á hlaupári) eru eftir af árinu.

[breyta] Atburðir

• 1692 – Læknir í Salem í Massachusettes í Bandaríkjunum lýsti því yfir að þrjár táningsstúlkur væru andsettar af djöflinum og markaði þannig upphaf galdraofsókna í þorpinu.
• 1696 - Óveður gerði á norður- og vesturlandi og urðu fimmtán manns úti. Frá þessu segir í Hestsannál.
• 1924 – Nevada varð fyrsta fylki Bandaríkjanna til að taka mann af lífi með gasi.
• 1925 - Halaveðrið. Tveir togarar fórust á Halamiðum, Leifur heppni og Robertson. Með þeim fórust 68 menn. Einnig fórst vélbátur með sex mönnum. Fimm manns urðu úti.
• 1935 - Enskur togari strandaði við Svalvogahamra á milli Dýrafjarðar og Arnarfjarðar og fórst áhöfnin öll, 14 menn.
• 1943 – Síðari heimsstyrjöldin: Rússneski herinn náði borginni Kúrsk á sitt vald.
• 1949 - Mindszenty kardináli í Ungverjalandi var dæmdur fyrir landráð.
• 1980 - Ríkisstjórn Gunnars Thoroddsen tók við völdum og sat í þrjú ár.
• 1984 – Vetrarólympíuleikarnir hófust í Sarajevo.
• 1989 - Boeing 707 þota fórst á Asoreyjum, 144 fórust.
• 2002 – Opnunarhátíð vetrarólympíuleikanna í Salt Lake City.
• 2005 – Ísrael og Palestína samþykktu vopnahlé.

[breyta] Fædd

• 1828 - Jules Verne, franskt skáld (d. 1905).
• 1834 - Dmitri Mendeleev, rússneskur efnafræðingur (d. 1907).
• 1851 - Kate Chopin, bandarískur rithöfundur (d. 1904).
• 1892 - Ralph Chubb, breskt skáld og listamaður (d. 1960).
• 1911 - Elizabeth Bishop, bandarískt ljóðskáld (d. 1979).
• 1911 - Big Joe Turner, bandarískur söngvari (d. 1985).
• 1931 - James Dean, bandarískur leikari (d. 1955).
• 1941 - Nick Nolte, bandarískur leikari.
• 1955 - John Grisham, bandarískur rithöfundur.
• 1966 - Hristo Stoichkov, búlgarskur knattspyrnumaður.
• 1974 - Seth Green, bandarískur leikari.
• 1977 - Dave Farrell, bandarískur tónlistarmaður (Linkin Park).

[breyta] Dáin

• 1910 - Hans Jæger, bandarískur rithöfundur og stjórnmálamaður (f. 1854).
• 1957 - John von Neumann, ungverskur eðlis- og stærðfræðingur (f. 1903).
• 1998 - Halldór Laxness, rithöfundur og Nóbelsverðlaunahafi (f. 1902)
• 2001 - Ivo Caprino, norskur kvikmyndagerðarmaður (f. 1920).