Potencias Centrais
Na Galipedia, a wikipedia en galego.
Potencias Centrais (en alemán Mittelmächte) é o termo empregado xeralmente para referirse á alianza de Alemaña, Austria-Hungría, o Imperio Otomano e Bulgaria durante a Primeira Guerra Mundial.
Alemaña e Austria-Hungría aliáronse o 7 de outubro de 1879, ós que se lle uniría Italia o 20 de maio de 1882) (vexa Triple Alianza). Sen embargo, Italia non tiña intención de atacar a Francia, polo que o 23 de maio de 1915 entrou na Primeira Guerra Mundial aliada co Imperio Británico.
En outubro de 1914 o Imperio Otomano atacou a Rusia, provocando a declaración de guerra dos países integrantes da Triple Entente (Rusia, Francia e o Imperio Británico).
Bulgaria, aínda resentida pola súa derrota en xullo do 1913 a mans de Serbia, Grecia, Romanía e Turquía, foi a última nación en entrar en guerra contra a Entente, invadindo Serbia en conxunción cas tropas alemanas e austro-húngaras en outubro de 1915.
Bulgaria firmou un armisticio cos Aliadoss o 29 de setembro de 1918, tras un exitoso avance aliado en Macedonia. O Imperio Otomano fíxoo o 30 de outubro tras as victorias Británica e árabes en Palestina e Siria. Austria e Hungría fixérono por separada durante a primeira semana de novembro, ó tempo que se desintegraba o Imperio dos Habsburgo. Finalmente, Alemaña firmou o armisticio o 11 de novembro tras varios avances exitosos das tropas estadounidenses, Británicas, Francesas e Belgas no norleste de Francia e Bélxica.
