Zebro
El Vikipedio
Zebro estas sudafrika neparhufa mamulo, specio de ekvo, simila al ĉevalo aŭ azeno, sed kun pli longaj oreloj kaj kun flava aŭ blanka felo malhelbrune striita. Ilia kolhararo estas brose mallonga.
Ekzistas tri specioj kaj multaj subspecioj (la tri specioj estas montara zebro ((Equus zebra), stepa zebro (Equus burchelli) kaj grevia zebro (Equus grevyii). Formortinta subspecio estis kvago Equus quagga böhmi), kiu diferencas per desegno de strioj, per formo de la kapo kaj oreloj. Kelkaj pli similas al ĉevalo, aliaj al azeno.
Zebrino estas graveda dum 12 ĝis 14 monatojn, pro kio zebrido naskiĝas tre evoluinta. Jam kelkajn horojn post naskiĝo zebrido scipovas kuri kaj salti kaj do gardi sin kontraŭ rabobestoj.
En kelkaj landoj oni nomas zebro ankaŭ la striojn sur ŝoseo, kiuj indikas piediran transirejon - lokon, kie piedirantoj rajtas transiri la ŝoseon de unu trotuaro al la kontraŭa.
