Tibor Újlaky-Nagy
El Vikipedio
Literaturo - Esperanta Kulturo - Hungario - Sporto
ÚJLAKY-NAGY Tibor [ŭilaki-naĝi tibor] (naskgixis 1915, mortis la 6-an de junio 1977 en Budapeŝto) estas hungara esperantisto, aŭtoro de Sporta lingvo en Esperanto
Pro financaj problemoj la familio sendis Újlaky-Nagy al militista lernejo. Kiel profesia soldato li atingis la rangon de ĉefleŭtenanto. Post la milito li estis arestita pro falsa akuzo, sed post kelkaj jaroj pruviĝis lia senkulpeco, li forlasis la malliberejon kaj ankaŭ la armeon. En Budapeŝto li laboris kiel esplorinĝeniero pri hidraŭlikaj modeloj.
Li esperantistiĝis aŭtune 1959 kaj kiam en 1961 startis la revuo Hungara Vivo, li grave kontribuis per siaj artikoloj kaj tradukoj (el Kálmán Mikszáth, Gárdonyi Géza k. a.). En 1972 aperis lia ampleksa libro pri ĉiuj olimpikaj sportoj.
La revuo Esperanto, n-ro 862, oktobro 1977 alportas jenajn informojn:
Li lernis Esperanton jam kiel 17-jara junulo kaj precipe post la Dua mondmilito viciĝis inter la plej aktivajn hungarajn esperantistojn. Dekomence li estis redakciano de Hungara Vivo, kie aperis multaj liaj artikoloj kaj tradukoj.
Ekde 1970 Ujlaky-Nagy dediĉis multan tempon al terminologia laboro. En 1972 aperis lia 300-paĝa proveldono de La sporta lingvo en Esperanto, kun tekstoj pri trideko da sportaj branĉoj.
Li kunlaboris ankaŭ en Slipara vortaro de R. Eichholz. Ankoraŭ en aprilo 1977 li varbis kunlaborantojn por sia granda projekto de sep-lingva sporta terminaro kun difinoj en Esperanto.
[redaktu] Listo de verkoj
- La sporta lingvo en Esperanto (1972)
- László, Ferenc: La ŝirmado de nia medio estas komuna afero de la homaro [ Trad. el la hungara de Tibor Ujlaky-Nagy] - En: Nova Esperanta krestomatio
- Németh, Gyula: Vojaĝlibro de Hungario Esperantigis: Lajos Kapitány; Lajos Kökény; Alfonz Pechan; Tibor Ujlaky-Nagy
- Kelemen Mikes: Leteroj el Turkio [tr. T. Újlaky-Nagy]] (Hungara Antologio 1983)
