Territoire-de-Belfort

El Vikipedio

Geografio > Eŭropo > Francio > Franĉ-Konteo > Territoire de Belfort < Francaj departementoj

Territoire de Belfort [teritŭar dö belfor] estas unu el la kvar departementoj de la franca regiono Franche Comté. Ĝi estas 610 km² granda, kaj havas 137 410 enloĝantojn. Ĝi estas malgranda teritorio, kiun oni eltranĉis el Alzaco. Post la milito de 1870, Francio malvenkis kaj perdis la provincon Alzaco favore al Germanio, kiu aneksis Alzacon krom tiu parteto. La teritorio de Belfort fariĝis nova franca departemento en 1922. La ĉefurbo de la teritorio estas Belfort.

Industrio okupas la plej grandan parton de la laborantaro (35,2 %) : mekaniko, elektromekaniko, aŭtofabrikado (Peugeot). Teknologiaj industrioj nun disvolviĝas (Alsthom, Bull).

Kiel ĉefa vidindaĵo oni menciu la citadelon de Belfort. Multaj festivaloj donas viglan kulturan vivon al la ĉirkaŭaĵoj de Belfort (Internacia muzikfestivalo, rok-festivalo "les Eurockéennes", ktp...).