Superbazaro
El Vikipedio
Superbazaro estas granda vendejo, kiu vendas ampleksan varion de varoj inkluzive de manĝaĵoj, trinkaĵoj, drogoj, vestaĵoj, nutraĵoj bestaj, ludiloj, aliaj domaj produktoj kaj sezonaj artikloj kiuj estas konsumitaj kutime. La esprimo "superbazaro" devenas de tio, ke la granda vario de varoj similas al tiu de bazaro.
La varoj en superbazaro aŭ superbazarego estas organizitaj laŭ fakoj aŭ sekcioj. Ĉiu sekcio havas nomŝildon, plejofte alta por videbleco, kiu anoncas la klason de varoj stokitaj en ĝi. La sekcioj estas organizitaj, tiel ke la homoj trairu kiel eble plej longe aŭ ofte la tutan vendejon, kaj eble vidu kaj enmetu en sian ĉareton aliajn aferojn ol tiujn kiujn ili planis aĉeti. La varoj en la sekcioj estas ordigitaj por ke oni vidu kaj enmanigu pli facile la varojn kiuj donas plej grandan profiton al la vendejo.
Klientoj kutime butikumas metante siajn varojn en ĉaretojn aŭ en korbojn kaj pagas la varojn ĉe la kontkontrolejo ĉe unu el la kasistoj kiuj situas proksime de la magazenaj elirejoj, kvankam foje kelkaj sekcioj de la magazeno ankaŭ havas propran kasiston.
Superbazaro estas ofte parto de ĉenvendejo kiu posedas aŭ kontrolas (kelkfoje per koncesio aliajn superbazarojn situataj en la sama aŭ aliaj urboj; ĉi tio pligrandigas la oportunojn por ŝparoj de vendo. Superbazaroj kutime ofertas produktoj je malgrandaj prezoj per malgradigo de marĝenoj. Por subteni profitojn superbazaroj provas kompensi la malgrandaj marĝenoj per granda kvanto da vendoj.
Nuntempe en Francio la grandaj superbazaroj iĝas pli kaj pli granda, oni nomas ilin tial superbazaregoj aŭ hiperbazaroj. Iom post iom ili venkas multajn aliajn vendejojn.
[redaktu] Vidu ankaŭ
[redaktu] Eksteraj ligoj
 |
 |
 |
 |
Se jam ekzistas alilingva samtema artikolo pli disvolvita, traduku kaj aldonu el ĝi.
