Sönke Wortmann
El Vikipedio
Kino > Reĝisoroj > Sönke WORTMANN
Sönke WORTMANN (naskiĝis la 25-an de aŭgusto, 1959 en Marl, Nord-Rejno-Vestfalio) estas germana reĝisoro.
Sönke Wortmann estis la filo de ministo. Post la abiturienta ekzameno li dum tri jaroj vivtenis sin kiel futbalisto, sed li ĉesigis tiun ĉi karieron, ĉar li ne sentis sin sufiĉe talenta por tio.
Dum unu semestro li studis sociologion, ĝis kiam li en la jaro 1984 ekstudis reĝisoradon en Munkeno. Pasiginte ankaŭ ioman tempon en la Londona Royal College of Art, li en 1989 sukcese finis la studadon.
Post kelkaj kurtfilmoj kaj televidproduktaĵoj Sönke Wortmann en 1991 faris sian unuan kino-filmon Allein unter Frauen. Grandan sukceson li gajnis en 1994, per la filmo Der bewegte Mann. Lia plej granda sukceso – laŭ li – estas Das Wunder von Bern (2003), kies centra temo estas futbalo.
[redaktu] Listo de filmoj
- Nachtfahrer (kurtfilmo, 1981)
- Anderthalb (kurtfilmo, 1984)
- Fotofinish (kurtfilmo, 1986)
- Hochzeit des Figaro (kurtfilmo, 1988)
- Drei D (kurtfilmo, 1990)
- Eine Wahnsinnsehe (televidproduktaĵo, 1990)
- Allein unter Frauen (1991)
- Kleine Haie (1992)
- Mr. Bluesman (1993)
- Der bewegte Mann (1994)
- Das Superweib (1996)
- Charleys Tante (televidproduktaĵo, 1997)
- Der Campus (1998)
- St. Pauli Nacht (1999)
- Lammbock – Alles in Handarbeit (2000)
- Der Himmel von Hollywood (2001)
- Das Wunder von Bern (2003)
