Ramón del Valle-Inclán
El Vikipedio
Ramón VALLE PEÑA, konata sub la nomo Ramón DEL VALLE-INCLÁN (Vilanova de Arousa, 28-a de oktobro 1866 - Santiago de Compostela, 5-a de januaro 1936) estis galega verkisto en la hispana lingvo.
Li estis membro de la t.n. Generacio de 1898, kune kun, inter aliaj, Miguel de Unamuno kaj Antonio Machado. Li verkis prozaĵojn kaj teatrajn verkojn. Precipe en teatro li estis moderniganto de la tiama stilo, kun tre nova aliro al teatro, interalie per la uzo de literatura stilo nomata esperpento, kiun li mem kreis kaj definis.
Li uzis fortan kritikon, precipe al la tradiciaj klasoj kaj potencoj.
[redaktu] Ĉefaj verkoj
- Divinas palabras (Diaj vortoj)
- Luces de bohemia (Bohemaj lumoj)
- Sonatas (Sonatoj)
En Esperanto aperis de Valle la romano Tirano Banderas, priskribo de latinamerika diktatoro (kaŭdilo), tradukita de Fernando de Diego.
