Maurice Jaumotte
El Vikipedio
Maurice JAUMOTTE estis unu el la plej gravaj antverpenaj esperantistoj de la 20-a jarcento. Li esperantistiĝis en 1917 kaj en 1922 akiris sian diplomon pri instrua kapableco de Esperanto. En 1926 li eniris la unuan administrantaron de la koopera eldona societo Belga Esperanto-Instituto. En 1927 li ekapartenis al la unua laŭleĝa administrantaro de la Esperanto-grupo La verda stelo. En 1928 li eniris la lokan kongresan komitaton de la 20-a Universala Kongreso de Esperanto en Antverpeno. Dum tiu kongreso aperis Belga antologio, kies franclingvan parton li redaktis. Li verkis en 1932 la broŝuron Historio de la Esperanto-grupo La verda stelo, estis la prezidanto de tiu grupo de 1934 ĝis 1969.
En 1953 li iniciatis kaj organizis la unuan Beneluksan Esperanto-Kongreson. La postan jaron li iĝis prezidanto de Reĝa Belga Ligo Esperantista, kies Ora Jubileo estis solene festata en Antverpeno, en 1955.
Maurice Jaumotte mortis en Antverpeno en 1970.
 |
 |
|
 |
|
||||||||||
|---|---|---|---|---|---|---|---|---|---|---|---|---|---|---|
| Maurice JAUMOTTE [ĵoMOT], belgo, ĵurnalisto. Kunlaboris por la UK 1928. Redaktis la francan parton de la Belga antologio 1928. | ||||||||||||||
