Kviro

El Vikipedio

Kviro estas neologisma esperantigo de la la angla vorto queer, kiu signifas laŭvorte "stranga" kaj ankaŭ estis insulto kontraŭ gejoj, sed kiu moderne uziĝas por desegni anojn de pluraj seksaj minoritatoj.

Oni povas inkluzivi sub "kvireco" minoritatajn seksajn orientiĝojn (gejoj, lesboj, ambaŭseksemuloj) kaj genraj identecoj (transseksuloj, transgenruloj, transvestuloj, ktp.) Oni unue ekuzis ĝin en ĉi tiu senso por eviti la neceson de mencii unuope, ĉiujn el tiuj identecoj.

Iuj proponis la mallongigon GLAT-a aŭ glata (geja, lesba, ambaŭseksema aŭ transgenra) por uzi anstataŭ la malofte uzatan anglismon "kvira".

Oni povas ankaŭ proponi integran difinon de la vorto: ke kviroj estas ĉiuj, kiujn malakceptas la aliseksemismo, t.e. la socia modelo laŭ kiuj la seksemo kaj la genra prezentiĝo estas strikte determinataj laŭ la denaska sekso. Tiel, pluraj homoj identiĝas sin kiel kviroj se ili kredas ke aliaj vortoj donas falsan ideon de sia identeco. Ekzemple, virino kiu preferas virinojn sed kiu foje ŝatas virojn, povus preferi identiĝi kiel kvirulino, sentante sin nek ambaŭseksemulo ĉar ŝi havas preferon por unu sekso super la alia, nek kiel lesbanino ĉar ŝi ofte ŝatas virojn.

La koncepto estas pridisputata - ĉu taŭgas inkluzivi ĉiom da tiu diverseco ene de unu sola vorto; ĉu la vorto (originale ofenda vorto) taŭgas por esprimi la koncepton, kaj aliaj demandoj. La neologismo "kviro" mem ankoraŭ estas malmulte uzata en Esperanto.