Königssee
El Vikipedio
La Königssee (reĝolago) estas lago en sud-orienta Bavario en la Alpoj. Al tiu apartenas norde la Obersee, situanta kelkajn metrojn pli malalta. Königssee situas inter altaj montoj, okcidente leviĝas la 2717 metrojn alta Watzmann.
Dum la lasta glaciepoko la basenon de la lago formis glaciaj torentoj kaj natura remparo retenis ties akvon. La beleco de la lago kaj la ĉirkaŭaj montoj estis kaŭzoj por establo de la Nacia Parko Berchtesgaden.
La lagoakvo elfluas tra Königsseer Ache (Ache estas bavare por rivero) al Salzach kaj fine al Danubo (Donau).
Vidalvide al la elfluejo de la lago troviĝas profunda ravino (Eisthal=glacivalo), en kiu fluas samnoma rojo (Eisbach=glacirojo). Ĝi kunportis rubon kaj formis en la lago la duoninsulon Hirschau (=cervoherbejo). Sur ĝi situas la pilgrima preĝejo Sankta Bartolomeo konstruita anstataŭ iama kapelo el la jaro 1134. Je la 23-a de aŭgusto (tago de Sankta Bartolomeo) okazas pilgrimado tien.
Kategorioj: Alpoj | Lagoj
