Elija
El Vikipedio
Elija (el la hebrea אֱלִיָּהוּ /Elijah/ "mia Dio estas Jah") estis profeto en la norda regno de Izraelo en la 9-a jarcento a. K., dum la regado de Aĥab. Li batalis kontraŭ la kulto de Baal kaj maljustaj agoj de Aĥab kaj lia familio. Laŭ la skribaĵoj de Malaĥi, alia biblia profeto, Elija revenu antaŭ la Mesia tempo. Elija estas unu el la plej grandaj profetoj, kaj oni kredas ke li ne mortis, sed korpe ĉieliris (1 Reĝoj 17-19; 2 Reĝoj 1:1-2:12; Malaĥi 4:5-6; Mateo 11:13-14; Marko 8:27-30).
