Elektra aŭtomobilo

El Vikipedio

Eliica

Elektra aŭtomobilo (aŭ simple elektroaŭto) estas elektra veturilo, tio estas, ĝi uzas elektromotoron kiel movilon. Ĝi kunportas la energion plej ofte en formo de akumulatoro.

Ili ne ellasas vostogasojn, tiel ili estas uzeblaj en konstruaĵoj. Ili estas nun ne konkurkapablaj kun la eksplodmotoraj aŭtomobiloj, ĉar ili estas malfacile ŝarĝeblaj kaj havas la movdistancon de ĉ. 200 km kun unu ŝarĝo. Spite al la malfacila uzebleco, la lokaj registaroj apogas la uzon de elektraj aŭtomobiloj per avantaĝodonaj impostoj, ĉar la koncepto sajnas medioprotekta. La fakto estas, ke la kurento (kiel pelaĵo) estas produktita aliloke kaj la mediopoluado okazas aliloke kaj la urba aero restas pli pura.

[redaktu] Historio

En la praepoko de la aŭtomobiloj, la elektroaŭtoj estis pli avantaĝaj ol la eksplodmotoraj aŭtoj. Nur post 1900 iĝis la eksplodmotoro pli efika ol la elektromotoro.

Laŭ diversaj fontoj, la unua elektra veturilo estis konstruita en 1839 fare de Robert Anderson en Aberdeen, Skotlando.

La 29-an de aprilo de 1882 stiris Werner von Siemens en Halensee ĉe Berlino, kaleŝon ekipitan elektre sur vojeto de 540 metroj. Ĝi estis la unua trolebuso de la mondo.

Post la naftokrizo de 1973-74, oni denove pripensis la uzon de la elektroaŭtoj, sed la akumulatoro estas ankoraŭ hodiaŭ multekosta kaj ne sufiĉas por pli da vojo ol 100-200 kilometroj.

1990-aj jaroj: EV1 de General Motors

vidua ankaŭ Camille Jenatzy‎

[redaktu] konceptoj

Ekzistas diversaj direktoj por evoluigo de elektraj aŭtomobiloj.

pli malpezaj aŭtomobiloj: ekz. SAM, Twike, CityEL. Tiuj aŭtoj bezonas ĉ. 8-10 kWh (egalas al 0,8-1l da benzino) da elektra energio por 100 km.
trakonstruo de ekzistantaj aŭtoj: (ekz.Renault, PSA(Citroën, Peugeot)). Tiuj aŭtomobiloj bezonas ĉ. 12-20 kWh (egalas al 1,2-2l da benzino) da elektra energio por 100 km.
solarĉelaj aŭtomobiloj: ili ne havas veran signifon (Okazas en ĉiu tria jaro konkuro inter la solarĉelaj veturiloj en Aŭstralio)
miksa movilo (hibridveturilo) por pli granda merkata proporcio. (En urbo, ĉe malalta rapido uzatas la eletromotoro, post ia rapido ekas la eksplodmotoro. Ĉe bremsado, la sistemo ŝarĝas la akumulatorojn.)
Fakte oni povas paroli pri elektra aŭtomobilo ĉe hidrogenĉelaj aŭtomobiloj,

[redaktu] Avantaĝoj

la poluaj gasoj estiĝas aliloke (karbonaj, naftaj energiocentraloj) aŭ tute ne estiĝas ( se la elektro estas produktita el akva, nuklea, suna energio).
senbrua funkcio
pli bona efiko de la energio-foruzo
ebleco reakiri energion ĉe bremsado
relative malaltaj reparaturkostoj