Blanka ibiso
El Vikipedio
?Blanka ibiso Konserva statuso: Malplej zorgiga |
||||||||||||||
---|---|---|---|---|---|---|---|---|---|---|---|---|---|---|
![]() |
||||||||||||||
Biologia klasado | ||||||||||||||
|
||||||||||||||
|
||||||||||||||
Threskiornis aethiopicus Latham, 1790 |
La blanka ibiso (ankaŭ sakra ibiso, sankta aŭ konsekrita ibiso) (Threskiornis aethiopicus) estas birdo el la ordo de cikonioformaj birdoj kaj familio de Treskiornitedoj.
Enhavo |
[redaktu] Aspekto
La birdo longas 76 cm. kun nigra, longa kaj kurba beko kaj nudaj, nigrebluaj kapo kaj kolo ĉirkaŭ kies radiko estas plumoj. La tuta korpo estas blanka, escepte de primaraj flugplumoj, kiel pintoj estas miksitaj per bruna koloro. La pintoj de la terciaraj flugplumoj estas grizaj. En la genera tempo ĝiaj plumoj radias de brilo kaj la terciaraj flugplumoj plilongiĝas kaj fariĝas lozaj. Ili eligas strangan obtuzan sonon.
[redaktu] Disvastiĝo
Ĝi vivas en Afriko, Azio -ekzemple en Hindio aŭ ankaŭ ekzemple ĝi bredas en la Nordoriento de Ĉinio kaj travintras en Gŭangdong, Hajnan-insulo, Fuĝjan kaj Tajvano- kaj la sudokcidento de la Pacifika Oceano.
Ĝi vivadas apud riveroj kaj lagetoj. Same kiel la cikonioj, ĝi estas muta kaj eligas elventrajn gruntojn dum nestado.
La blankaj ibisoj estas landinternaj akvobirdoj. Ili loĝas ĉe vastaj marĉoj, kie kreskas arboj kaj arbustoj, kaj ankaŭ apud riveroj, akvokonservejoj, lagoj kaj kampoj. Ili agas grupete kune kun ardeoj kaj aliaj specoj de ibisoj.
[redaktu] Nutrado
Ili vagadas en malprofunda akvo kaj kaptas fiŝojn, salikokojn kaj moluskojn kiel sian manĝaĵon. Sate manĝinte, ili staras en malprofunda akvo aŭ ripozas sur arboj en familia grupo.
[redaktu] Bredado
Majo kaj junio estas la genera tempo de la blankaj ibisoj. Ili konstruas nestojn sur arboj grupete kaj iam nájbare vivas kun ardeoj kaj kormoranoj. La gebirdoj kune konstruas simplan neston per branĉoj. La birdino demetas 2-4 ovojn, kiuj varias en grandeco kaj formo. La plej tipa ovo estas ovala kun kalka tego, La jus demetita ovo prezentiĝas blueta aŭ verdeta, sed ĝi fariĝas bruna post kovado. Gebirdoj kune prenas sur sin la taskon kovi ovojn. La kovado bezonas ĉ. 20 tagojn. La ĵus elkovita birdido portas nigran lanugon. Komence la gepatroj nutras la idojn per glueca likvaĵo. Sep tagojn poste la gepatroj. lasas siajn idojn preni manĝaĵon el ilia gorĝo. La birdidoj kreskas rapide kaj post 30 tagoj ili povas forlasi sian neston. Tamen ilia plumaro ne tute ŝanĝiĝas blanke. En Ia sekvanta aŭtuno ili jam surhavas tute blankajn plumojn kiel iliaj gepatroj. La blanka ibiso estas porapreza birdo pro siaj originala beko kaj blankaj plumoj.
Dum antikveco ili renkontatis ankaŭ en Egipto (nun ne plu), kaj iĝis sanktaj bestoj simboloj de la dio Toto, dio de skribo kaj scienco.