Aleš Berka
El Vikipedio
Aleš Berka (naskiĝis la 12-an de oktobro 1909 en Vsetín - mortis la 5-an de julio 1983 en Vsetín) estis ĉeĥa esperantisto.
Inter la militoj li fondis esperantlingvan eldonejon de malmultekostaj libroj en Brno.
Li laboris kiel sekretario de IKUE ĝis 1939, kiam Ĉeĥoslovakion okupaciis la Hitlera Germanujo, kaj estis ankaŭ prezidanto de Klubo de Katolikaj Esperantistoj en Brno, kiu en 1936 organizis en Brno la 18-an Internacian Kongreson de Katolikaj Esperantistoj (4./9.8.1936)
Li aŭtoris vortarojn ĉeĥa-esperanta, esperanta-ĉeĥa, legolibron Interesa legaĵo.
Post la dua mondmilito li revenis al Vsetín, kie li vivis kiel izola esperantisto, sed ne pasiva. Li sukcesis reeldoni siajn lernilojn kaj eldonadi modestan bultenon Informilo de Vsetín.
[redaktu] Verkoj verkitaj
- Slovník Esperantsko-český (10.000 slov) (Vortaro Esperanta-ĉeĥa, 10 mil vortoj, Eldonejo de Malkaraj Libroj, 1937. - 74 p.)
- Slovnik česko-esperantský a esperantsko-český. (Vortaro ĉeha-Esperanta, Brno, propra eldono, 1936. 184 p. 15 x 10. = 3-a libro de EML Brno. - Tisk A. Pražák, Jablonné n. Orlicí)
- EML. Kalendaro 1938 (Brno, Eldonejo de Malkaraj Libroj, 1938)
- Konversacia lernolibreto (Vsetín, 1940, stencilita)
- Konversacia lernolibro (Vsetín, stencilita, propra eldono 1949)
- Interesa legaĵo: internacia legolibro (Vsetin-Ohrada: ONV, 1967. - 124 p.)
- Esperanto: lingvo internacia - Esperanto: jazyk mezinárodni (ONV Vsetín, 1967)
[redaktu] Verkoj de aliaj aŭtoroj eldonitaj de Berka
- G. H. N. Zeldenthuis: Kongresa renkonto. (Komedieto poŝformata. 2 scenoj. Brno, E. M. L. A. Berka 1936. 8 p. 15 x 10.)
- L. L. Zamenhof: Malgranda legolibro. (Brno, Eldonejo de Malkaraj Libroj, 1937)
- Paŭlo JU-PIN: La milito en Ekstrem-Oriento. Psika problemo internacia. Alvoko al sinceraj kaj bonvolemaj homoj (El franca lingvo trad. René de Lajarté. Brno, E. M. L. - Aleš Berka 1937. 32 p, , 15 x 10.)
- Jan Filip: Fino de Ia mondo. (Simbola socia simfonio en tri aktoj. Muziko de D-ro Oldřich Svoboda. Brno, Eldonejo de Malkaraj Libroj - Aleš Berka 1937. 58, (1), [2] p. 17,5 x x 12,3. - Presis A. Pražák, Jablonné n. Orl. )
