Štětí
El Vikipedio
Ne konfuzu ĝin kun pola Szczecin
La ĉeĥa urbeto Štětí [ŝtjetji] troviĝas sur dekstra bordo de rivero Elbo proksimume 50 km norde de ĉefurbo Prago. La urbo troviĝas rande de fekunda ĉerivera ebenaĵo, kiu etendiĝas de urboj Pardubice ĝis Litoměřice. Proksime de Štětí leviĝas el ebenaĵo ĉeĥa nacia monto Říp [rĵip] - 460 metrojn super marnivelo.
En la jaro 2005 loĝis en la urbo 8121 enloĝantoj.
[redaktu] Historio
La unua skriba mencio pri la urbo devenas el komenco de la 14-a jarcento. Estas skribite, ke setlejo Sstiet estiĝis ĉirkaŭ la jaro 1300, kiam tie staris 24 domoj kaj ligna preĝejo. Tiu estis detruita de granda inundo, tial en 1784 oni finkonstruis ŝtonan preĝejon de sankta Simono kaj sankta Judaso, kiu kompreneble konserviĝis ĝis nun.
En 1549 Štětí fariĝis reĝa urbo. Tiam ĝi ricevis urban blazonon kaj sigelon. Tiutempe en la urbo loĝis ĉirkaŭ 500 homoj (ĉeĥoj kaj germanoj). Urbanoj estis liberigitaj de tiutempe deviga servutula laboro, tial en la urbo ekprosperis industrio. Nur milita mizero komence de la 19-a jarcento haltis la kreskon. Tiu renoviĝis nur en la dua duono de la 19-a jarcento. En 1848 oni fondis poŝtoficejon, en 1850 distriktan juĝejon. En 1871 estis la urbo konektita al fervojo.
Post 1918 grave kreskis nombro da ĉeĥoj en la urbo. En 1934 oni konstruis ĉeĥan lernejon. Nombro da loĝantoj en la jaro 1938 estis 2585, post milito la nombro iom reduktiĝis - dum censo en la jaro 1948 oni kalkulis 2192 enloĝantojn.
Grava mejloŝtono en la urba historio estas la jaro 1949, kiam oni ekkonstruis paperfabrikon sur loko de estinta sukerfabriko. La paperfabriko SEPAP sinsekve fariĝis la plej grava ne nur en la urbo, sed en la tuta lando. Nun ĝi apartenas al eksterlanda firmao MONDI.
Disvolviĝo de la paperfabriko kompreneble kaŭzis ankaŭ disvolviĝon de la urbo. Estis konstruataj loĝdomoj, infanĝardenoj, lernejoj, sanzorga domo kaj poste eĉ naĝejo, sporta stadiono, urba biblioteko kaj superbazaro.
En la apuda vilaĝo Račice troviĝas remboata kanalo pli ol 2 km longa. Tie okazis jam kelkaj ĉampionadoj de remado kaj kanuado.
[redaktu] Kultura vivo
Ĉiun duan jaron oni organizas FEDO-festivalon de blovorkestroj. Ĉiujare oni povas aŭdi rok-an kaj kontrean muzikon. Kvankam al la urbo ofte alvenadas prezenti sin pragaj aktoroj, plimulto da loĝantoj preferas televidon, precipe nun kiam estis instalita kabla televido kun 28 program-kanaloj.
| Regiono Ústí nad Labem | |
|---|---|
| ▼ | |
| Urboj kaj vilaĝoj en distrikto Litoměřice | |
| ▼ | |
| Bechlín ~ Bohušovice nad Ohří ~ Brňany ~ Brozany nad Ohří ~ Brzánky ~ Bříza ~ Budyně nad Ohří ~ Býčkovice ~ Ctiněves ~ Černěves ~ Černiv ~ Černouček ~ Čížkovice ~ Děčany ~ Dlažkovice ~ Dobřín ~ Doksany ~ Dolánky nad Ohří ~ Drahobuz ~ Dušníky ~ Evaň ~ Hlinná ~ Horní Beřkovice ~ Horní Řepčice ~ Hoštka ~ Hrobce ~ Chodouny ~ Chodovlice ~ Chotěšov ~ Chotiměř ~ Chotiněves ~ Chudoslavice ~ Jenčice ~ Kamýk (LT) ~ Keblice ~ Klapý ~ Kleneč ~ Kostomlaty pod Řípem ~ Krabčice ~ Křesín ~ Křešice ~ Kyškovice ~ Levín ~ Lhotka nad Labem ~ Liběšice ~ Libkovice pod Řípem ~ Libochovany ~ Libochovice ~ Libotenice ~ Litoměřice ~ Lkáň ~ Lovečkovice ~ Lovosice ~ Lukavec ~ Malé Žernoseky ~ Malíč ~ Martiněves ~ Michalovice ~ Miřejovice ~ Mlékojedy ~ Mnetěš ~ Mšené-lázně ~ Nové Dvory ~ Oleško ~ Píšťany ~ Ploskovice ~ Podsedlice ~ Polepy ~ Prackovice nad Labem ~ Přestavlky/Přestavlky (Litoměřice) ~ Račice ~ Račiněves ~ Radovesice ~ Rochov ~ Roudnice nad Labem ~ Sedlec/Sedlec (Litoměřice) ~ Siřejovice ~ Slatina/Slatina (Litoměřice) ~ Snědovice ~ Staňkovice ~ Straškov-Vodochody ~ Sulejovice ~ Štětí ~ Terezín/Terezín (Litoměřice) ~ Travčice ~ Trnovany ~ Třebenice ~ Třebívlice ~ Třebušín ~ Úpohlavy ~ Úštěk ~ Vědomice ~ Velemín ~ Velké Žernoseky ~ Vchynice ~ Vlastislav ~ Vražkov ~ Vrbice/Vrbice (Litoměřice) ~ Vrbičany ~ Vrutice ~ Záluží ~ Žabovřesky nad Ohří ~ Žalhostice ~ Židovice ~ Žitenice | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
