Telor yr Ardd
Oddi wrth Wicipedia, y gwyddoniadur rhydd.
| Telor yr Ardd | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Dosbarthiad biolegol | ||||||||||||||
|
||||||||||||||
| Enw deuenwol | ||||||||||||||
| Sylvia borin Boddaert, 1783 |
Mae Telor yr Ardd (Sylvia borin) yn aelod o deulu'r Teloriaid ac yn aderyn cyffredin trwy ogledd, canolbarth a rhannau o dde Ewrop a rhan o orllewin Asia.
Mae Telor yr Ardd yn aderyn mudol, sy'n treulio'r gaeaf yng nghanolbarth a de Affrica. Adeiledir y nyrth mewn llwyn, fel rheol mewn coedwigoedd lle mae digon o dyfiant isel dan y coed. Mae'n dodwy 3-7 wy.
Nid yw Telor yr Ardd yn aderyn hawdd ei adnabod; mae'n delor gweddol fawr o liw llwydfrown ar y cefn o goleuach oddi tano, heb unrhyw nodwedd amlwg y gellir ei defnyddio i'w adnabod. Pryfed yw ei brif fwyd. Mae'r gân yn debyg i gân y Telor Penddu, ac mae angen gofal i wahaniaethu rhyngddynt.
Mae Telor yr Ardd yn aderyn pur gyffredin yng Nghymru, er nad yw'n adnabyddus iawn. Mae'n cyrraedd yn hwyrach yn y gwanwyn na'r rhan fwyaf o'r teloriaid eraill.
