Verbum
Зьвесткі зь Вікіпэдыі — вольнай энцыкляпэдыі.
Verbum — альбом гурта Стары Ольса. Запісаны ў 2002. Назва Verbum перакладаецца з латыні як слова.
Старыя мэлёдыі на даўно забытых інструмэнтах, старыя словы даўно змоўклых моў пераносяць Вас у гарады і замкі сярэднявечнай Беларусі, дзе чутны гоман ратушнай плошчы, тлум прыдворнага балю, задуменныя баляды і ўзнёслыя паэмы.
У дыску запісаныя ўрыўкі са старажытных шэдэўраў беларускай пісьмовасці: «Слова пра паход Ігаравы» (на стараславянскай мове пад гусьлі), «Песьня пра зубра» (на лацінскай пад лютню), «Статут Вялікага княства Літоўскага» (на старабеларускай пад дуды), а таксама «Пан Тадэвуш» (на польскай пад колавую ліру). Вашай увазе таксама беларуская музыка 16 ст.: творы Войцэха Длугарая і «Ягелонскі рукапіс». Частка альбома складаецца з канцэртных аранжыровак сярэднявечных танцаў пры рэдкім спалучэньні старых інструмэнтаў — лютня і дуда, варган і мандаліна, дуда і гусьлі, гусьлі і лютня, і шмат іншага.
[рэдагаваць] Зьмест
- Конскі бранль (сярэднявечны танец) (4:55)
- Курган (3:24)
- Ягелонскі рукапіс. 16 ст. («Полацкі сшытак») (2:45)
- «Слова пра паход Ігаравы». 12 ст (11:24)
- Танец «Баторый». Войцэх Длугарай. 1580-я гг. (1:42)
- Паход (3:45)
- «Песьня пра зубра». Мікола Гусоўскі. 1522 г. (5:14)
- Песьня. Войцэх Длугарай. 1580-я гг. (1:34)
- Анёл (латышскі народны танец) (2:50)
- «Зварот да Караля». Леў Сапега. 1588 г. (Віленскі замак) (4:56)
- Там за халмом (3:30)
- Выправа (сярэднявечны танец) (2:21)
- «Статут Вялікага княства Літоўскага 1588 г.» (ратушная плошча) (5:03)
- Каралеўскі прывілей
- Зварот Льва Сапегі да саслоўяў
- «Статут Вялікага княства Літоўскага 1588 г.» (ратушная плошча) (5:03)
- разьдзел 1. артыкул 1
- разьдзел 3. артыкул 1
- «Статут Вялікага княства Літоўскага 1588 г.» (ратушная плошча) (7:14)
- разьдзел 3. артыкул 2
- разьдзел 3. артыкул 3
- разьдзел 3. артыкул 12
- Шлях (4:22)
- «Пан Тадэвуш». Адам Міцкевіч. 1834 г. (3:42)
- Бранль (сярэднявечны танец) (3:40)
[рэдагаваць] Удзельнікі
- Зьміцер Сасноўскі — дуды, гусьлі, лютня, варган, бубен
- Алесь Чумакоў — гусьлі, колавая ліра, мандаліна, сьвісток, бубен
- Кася Радзівілава — флейта, блёк-флейта
- Ільля Кубліцкі — лютня, гітара, мандаліна.
- Андрэй Апановіч — барабаны, бонг, бубны.
- Ідэя — Зьміцер Сасноўскі
- Запіс — А. Шаўцоў
- Дызайн — Ю. Лупіненка
- Пераклад — А. Бурсаў
Арганізацыйная падтрымка — МГА Згуртаваньне беларусаў сьвету «Бацькаўшчына»
Навуковыя кансультанты — А. Каляда, Алесь Жлукта, Вінцук Вячорка.
У аздабленьні альбома выкарыстаныя выявы «Полацкага Евангельля» 12 ст. і «Радзівілаўскага летапісу» 16 ст.