Пётра (папа рымскі)

Зьвесткі зь Вікіпэдыі — вольнай энцыкляпэдыі.

Сьвяты Пётра, Сымон-Пётра — адзін з дванаццаці першых вучняў (апосталаў) Езуса Хрыстуса, узгадваецца ў Новым Запавеце. Галілейскі рыбак, брат Андрэя Першазваннага, менавіта брат прывёў яго да Езуса. Пётра быў найбліжэйшым вучнем Хрыстуса. Пятра лічаць за сьвятога каталікі, праваслаўныя і іншыя хрысьціяне.

Біскуп Антыохіі, пазьней біскуп Рыма. Cучасная традыцыя лічыць яго першым рымскім папам. Быў асуджаны рымскімі ўладамі на ўкрыжаваньне, па паданьні прасіў укрыжаваць яго ўніз галавой. Дата сьмерці дакладна не вядома, па адных дадзеных 13 кастрычніка 64 года, па другіх — 29 чэрвеня 69 года. Пахаваны ў пячорах над якімі зараз Сабор сьвятога Пятра ў Ватыкане.

У выяўленчым мастацтве паказваецца з двума ключамі нібыта ад Царства Нябёснага.

Мусульмане шыіты лічаць, што Сымон-Пётра (Шамаон) быў абраны Богам у намесьнікі Езусу (Ізе).

[рэдагаваць] Імя

Сапраўднае імя Шымон (па-габрэйску: שמעון — слухаючы і пачуўшы). Ад Езуса атрымаў мянушку Кефас (па-арамейску: כיפא — камень, скала). Пры перакладзе на грэцкую мову, часьцінка скалы ці галька — Пэтра (Πέτρα), слова жаночага роду. Сьвяты Матфей, а за ім сьвятыя Марк, Лука і Ян у сваіх Эвангельлях выправілі жаночы род на мужчынскі, атрымалася Петрос (Πέτρος) — на лацінскай мове Petrus. Гэтак атрымалася Пётр ці Сымон-Пётр, у мусульманаў — Шамаон бэн Ёнах.