Xefe d'Estáu

De Uiquipedia

El Xefe d'Estáu ye la persona que representa a un país énte'l restu'l mundiu. D'esta mena, ye'l que participa, por sí mesmu o mediantes delegaos, en reuniones internacionales, noma y recibe delegaciones diplomátiques, etc.

[editar] Tipos de sistemes

• Nun réxime presidencial como n'Estaos Xuníos, el xefe d'estáu (el presidente) ye tamién el xefe de gobiernu, siendo la cabeza del poder executivu del país.
• Nun réxime parlamentariu, en cambéu, el xefe de gobiernu (el primer ministru) depende del parlamentu, y el xefe d'estáu pue ser un presidente escoyíu popularmente o un monarca hereditariu. Nesti caberu casu, normalmente ye un rei, pero tamién pue ser un príncipe, como'l casu de Mónaco, o pertener otru títulu nobiliariu.
• Nun réxime semiparlamentariu, el xefe de gobiernu (el primer ministru) depende del parlamentu, y el xefe d'estáu (el presidente) ye escoyíu popularmente, como en Francia.

[editar] Funciones

Les funciones del Xefe d'estáu varíen acordies a la forma de gobiernu qu'establez la constitución de ca país. Ye dicir, tien competencies estremaes sigún l'ordenamientu de ca Estáu.

• Nos casos que'l cargu seya eleutivu, polo xeneral, la so lexitimidá ye parexa al del xefe de gobiernu y la constitución suel entrega-y ciertes atribuciones o poderes.
• Nos casos nos que'l cargu nun ye eleutivu, ésti suel ser simbólicu (Reinu d'España o Reinu Xuníu). Les sos funciones son namái representatives y nun tien poder virtual.

D'otra miente, dao qu'a la fin ye la Constitución la qu'asigna los poderes del cargu, esisten otros países nos que'l soberanu caltién una bayura poderes (Marruecos o ciertos países asiáticos).