Capo de Stato
Da Wikipedia, ła ençiclopedia libara.
El Capo de Stato l'è el raprexentante pi alto de un Stato. El pol èser de tipi difarenti: Re/Prìnzsipe/Granduca ('nte łe monarchìe) , Presidente ('nte łe repùbliche).
Ghe xe vari ordenaminti statałi, che i prevéde poteri difarenti par el Capo de Stato:
- Repùblica parlamentar: un Presidente solo raprexentativo
- Repùblica presidenzsiałe: un Presidente a capo del poter executivo (governo)
- Monarchìa Costituzsionałe: un Re/Prìnzsipe/Granduca soło raprexentativo o che 'l condivide el poter executivo col governo
- Monarchìa Asołuta: un Re co tuti tri i poteri statałi (poter legislativo, poter executivo e poter giudizsiario)
Par quanto stran che posa senbrar, al mondo ghe xe Monarchìe che, seben che łe sia sołute, el Re el vien votà e no'l xe mìa ereditario: łe vien ciamàe Monarchìe asołute ełetive.
In tuto el mondo ghe xe vari Regni, calche Prinzsipato (Monaco o el Liechtenstein) ma un Granducato soło (el Lusenburgo).
Al mondo ghe xe sol che du Stati indove che el Capo de Stato no 'l xe mìa uno soło ma i vien governài da du Capi de Stato contenporaneamente: Repùblica de San Marin (i cusì-ciamài Capitani Reggenti) e el Co-prinzsipato de Andora (come che dixe el nome el ga du prìnzsipi).
Parò i Capi de San Marin i ga poteri efetivi mentre quii de Andora (che i xe foresti, un vescovo spagnoło e 'l Presidente franzséxe) i è sol che garanti internazsionałi formałi par asegurar che ła pìcoła Andora no ła vegna mésa sóto da nisuni.
