Volkebond
vanuit Wikipedia, die vrye ensiklopedie.
Die Volkebond was 'n multinasionale organisasie wat gestig is om "'n einde aan alle oorloë" te bewerkstellig. Dit is op 25 Januarie 1919 gestig (die eerste algemene vergadering was op 10 Januarie 1920) op basis van die Verdrag van Versailles en gevestig in Genève.
Die bond was egter te swak en was byvoorbeeld nie in staat om een van die lede, Ethiopië, teen die koloniale ambisies van 'n ander lid, Italië, te beskerm nie. Met die koms van Hitler en Mussolini word die onmag van die Volkebond al te duidelik. Die organisasie word opgehef op 19 April 1946.
Die Verenigde Nasies kan gesien word as opvolger van die Volkebond.
