Sealand
Èn årtike di Wikipedia.
Sealand (li payis del mer en inglès) est èn estat oto-proclamé, mins nén ricnoxhou pa nolu; s' i l' sereut, ça sereut l' pus ptit payis, la k' i s' trove so ene viye plate-fôme å lådje di l' Inglutere.
|
|||
| Divize nåcionåle: E mare libertas A pårti del mer, li liberté |
|||
 |
|||
| Lingaedje oficir | inglès | ||
| tchîf del principåté | prince et princess Roy Bates et Joan Bates | ||
| tchîf do govienmint | prince Michael Bates | ||
| Sitindêye | 550 m² | ||
| Populåcion | inte 1 et 5 djins | ||
| Coisse d' eureye | UTC | ||
Li "principåté d' Selande" si vout on vraiy Estat, avou si govienmint et ses lwès; i gn a minme yeu on côp d' Estat ey on "govienmint en egzil"; mins nol ôte Estat nel ricnoxhe, nerén les organisses eternåcionås come l' union eternåcionåle des posses, l' ICANN (pol daegntoele), les telefones, evnd. Po scrire pa l' posse i fåt-st eployî ene adresse el Grande Burtaegne.
E 1967, cwand li Selande si rclama dislaxheye (li 2 d' setimbe), li platfôme Rough-Tower (ene viye platfôme militåre del deujhinme guere daegnrece si trovéve foû des aiwes teritoriåles del Grande Burtaegne, ki si stindént adon djusk' a 3 miles des coisses; dispoy adon les aiwes teritoriåles britanikes ont stî stindowes disk' a 12 miles, çou ki fwait k' asteure li platfôme si trove sol teritwere britanike.
Li famile Bates continowe di rclamer ki l' Selande est on dislaxhî payis, eyet mete en avant ki dins on djudjmint di 1968 on tribunå britanike dijha k' i n' aveut nén d' djuridiccion (çou k' esteut l' vraiy adon).
Nerén c' est interessant d' noter ki djusse après l' askepiaedje del Selande, li govienmint britanike fijha distrure totes les ôtes platfômes ki dmorént, po n' nén dner des idêyes a ds ôtes; eto, li lwe maritime eternåcionåle asteure a-st ene seccion po specificmint considerer ene nouve construccion artificiele e plinne mer come estant on teritwere, po-z espaitchî l' askepiaedje di noûs Estats e plinne mer.
Ça fwait ki, mågré k' nolu n' prind foirt å serieus li Principåté d' Selande, sol plan djuridike i gn åreut motoit d' l' adire; et l' govienmint britanike prefere fé shonnance di rén purade ki d' aler dislodjî les cis k' ocupèt ene platfôme k' i rclame prôpieté del marine di guere britanike.
Li no d' Sealand fourit spårdou lon et lådje å cmince des anêyes 2000 cwand l' eterprijhe HavenCo fourit askepieye, po mete des lodjoes d' siervices internet sol platfôme, po propôzer des siervices foû des lwès britanikes ou etazunyinnes sol copyright.
