Ôrimiele

Èn årtike di Wikipedia.

Èn ôrimiele (on dit eto: on copere-loriot, èn ariole, on colåd-piråd, on måvi d' ôr), c' est on gros djaene moxhon del famile des sprewes avou des noers penas (pol måye), mins foirt catchete, et målåjhey a vey; li frumele est bråmint pus ptite et avou ene vete coleur.

A cåze di ses ploumes di coleur d' ôr, on l' lome cobén li rwè des bwès.

No e sincieus latén : Oriolus oriolus.

Li mot "ôrimiele" a prins des sinses imådjreces : loukîz e splitchant motî a ôrimiele, la k' vos trovroz eto l' etimolodjeye do mot.

Ådvins 1 Li vicaedje di l' ôrimiele 2 Tos les ôtes nos walons d' l' ôrimiele 3 Xhinaedje do xhufla di l' ôrimiele. 3.1 Pask' i magne voltî des ceréjhes 3.2 Ôte tinme 4 L' ôrimiele dins les nos d' plaeces del Walonreye 5 L' ôrimiele dins les belès letes 6 Hårdêye difoûtrinne

[candjî] Li vicaedje di l' ôrimiele

L' ôrimiele fwait on ni pindou après les coxhes.

C' est ôrimiele est èn oujhea foirt pawoureus. On nel voet ki bén rålmint. Il est foirt midone avou ses djonnes, ki magnèt des ceréjhes et des halenes.

[candjî] Tos les ôtes nos walons d' l' ôrimiele

• loriot.
• copere-loriot, copere-Mårtén.
• ariole.
• colåd-piråd,
• måvi d' ôr (dins l' payis d' Vizé).
• l' amisse-Pierot.

[candjî] Xhinaedje do xhufla di l' ôrimiele.

[candjî] Pask' i magne voltî des ceréjhes

• Ramexhné a Inne-Sint-Pire:

Copere-loriot, gn a-t i co des ceréjhes å bos ? (u: gn a-t i tant des ceréjhes å bos ?)

C' est nén por vos, c' est po m' gaviot.

• Ramexhné a Bujnal

Loriot, loriot, n a-t i co des ceréjhes låvå ? (u: Voet on ceréjhes låvå ?)

Gn a bråmint mins c' est po m' goziô.

• Ramexhné a Gochnêye.

Loriot, loriot, est ç' k' i gn a des ceréjhes låvå ?

Non, gn a pus k' des pikes et des picots.

• Ramexhné a Voroû.

Ås ceréjhes, ceréjhes, Pierot !

A l' anêye, nd årè-t i co ?

Nos magnrans piretes eto.

u:

Ass des pious, Pierot ?

Dj' end a waire, mins i sont gros ! (u: mins c' est des gros !)

• Ramexhné a Tchô

Loriot, loriot, les ceréjhes sont ele maweures ?

Rexhe, rexhe å gozî.

• Ramexhné a Djnape

Loriot, loriot, les ceréjhes sont ele maweures ?

Des grintches å trô !

• Ramexhné al Lovire:

Loriot, loriot, les ceréjhes sont ele meures å bos ?

Way, mins nd a co k' ene,

Et c' est po m' feme.

[candjî] Ôte tinme

Colåd-Piråd,

Magrite est ås cruwôs

Les bounès grintches !

Sourdant: A.L.W. 8, notûle 54.

[candjî] L' ôrimiele dins les nos d' plaeces del Walonreye

• Rowe di l' ôrimiele: rowe di Spå.

[candjî] L' ôrimiele dins les belès letes

• Dins l' live "Droles di biesses" da Marcel Slangen

[candjî] Hårdêye difoûtrinne

Poitraits d' l' ôrimiele