Département du Nord
From Wikipedia
Et Département du Nord of kortweg Nord es een departement in Vrankrik. Et es 't mêest Nôordelike département van Vrankrik en ligt neffes Belgje, ter ôogte van West-Vloandern en Enegouwn. 'T es de dikst bevolkte regio van Vrankrik, der weunn ongeveer 2.600.000 minsn, en vormt tôpe me Pas-de-Calais de regio Nord-Pas-de-Calais. De ôofdstad van 't departement es Riesel.
Et weirdt vôder onderverdêeld in 6 arrondissement'n en 79 kantons:
- Arrondissement Avesnes-sur-Helpe
- Arrondissement Cambrai
- Arrondissement Douai
- Arrondissement Duunkerke
- Arrondissement Risel
- Arrondissement Valenciennes
In et arrondissement Duunkerke ligt er ne hêle regio tussen de Leie en de Nôordzêe woar dat er Vlams geklapt weirdt: Frans-Vloandern. Vroeger makte 't dêel uut van 't Groafschap Vloandern, moar sins dat'et aangesloot'n es bie Vrankrik goat de kennisse van de Vlamsche toale achteruut ten vôordêle van 't Frans.
In Duunkerke zelve bestoat et Dunkerquois, et lokoal dialect da straf t' Vlams doe peizen.
In d'andre arrondissementen, soms "la Flandre romane" genomd, klappen ze "le picard", da mêestol ch'ti genomd es. Doarom noemen ze de gasten van de Nord dikwils Ch'timi (Uutsproake: sjchtiemie).
