بنی اسرائیل
وکیپیڈیا سے
حضرت ابراہیم کے پوتے اور حضرت اسحاق کے بیٹے حضرت یعقوب کا عبرانی لقب اسرائیل تھا۔ لہذاان کی اولاد بنی اسرائیل کہلائی۔ حضرت یعقوب کے بارہ بیٹے تھے اس لیے ابتداءً بارہ قبیلوں میں بٹے ہوئے تھے۔ انھی میں سے حضرت داؤد کے بیٹے حضرت سلیمان نویں صدی ق م میں فلسطین کے مشہور فرمانروا اور پیغمبر تھے۔ ان کی وفات کے بعددس اسرائیلی قبائل نے ان کے جانشین کی مخالفت کی اور اسرائیل کے نام سے شمالی فسلطین میں اپنی بادشاہت قائم کر لی
حضرت یعقوب کے بیٹے حضرت یوسف متمکن ہوئے تو بہت بڑے سرکاری عہدے پر متمکن ہوئے تو بیشمار بنی اسرائیل مصر میں جا کر آباد ہوگئے۔ جب وہ ایک مدت کے بعد قبطیوں کی غلامی میں جکڑے گئے تو ان کی رہنمائی اور آزادی کے لیے حضرت موسی تشریف لائے۔ حضرت عیسی بھی اسی قوم کے لیے نبی بن کر آئے۔
قرآن کریم میں کئی جگہ اسرائیل کا ذکر آتا ہے۔ ایک سورت کا نام ہی سورۃ بنی اسرائیل ہے۔ یہ قوم اگرچہ بڑی دولت مند تھی مگر دنیا کے مختلف ممالک میں منتشر تھی۔ 1917ء میں برطانیہ نے ان سے وعدہ کیا کہ فلسطین میں ان کی آزاد حکومت قائم کر دی جائے گی۔ چنانچہ 15 مئی 1948ء کو فلسطین کو تقسیم کرکے اسرائیلی حکومت قائم کر دی گئی۔
حضرت ابراہیم کے بعد جتنے انبیاء آئے وہ بنی اسرائیل ہی سے تھے۔ حضرت محمد مصطفٰے صلی اللہ علیہ وسلم حضرت ابراہیم کے بیٹے حضرت اسماعیل کی اولاد میں سے تھے۔
