Qasím

From Wikipedia

Tatar Énsíklopädiä Süzlegennän alğan:

Qasím (taríxí: Xankirmän, Gorodets Meşçórskiy, Urısça: Kasimov (Касимов)), xäzerge Rázan ölkäsendä, Uqa yılğasınıñ sul yarında urnaşqan şähär. 1152. yıl tiräsendä Vladimir-Suzdal kenäze Yuri Dolgoruki tarafınnan Grodets Meşçórskiy (Urısça: Городец Мещёрский) bularaq nigezlänä. 13. yöz azaqlarınnan şul töbäktä Íslam dine taratu üzäkläreneñ bersenä äwerelä. Soñraq Mişär Yortı bilmäsenä kerä. 1452. yılda Mäskäwneñ böyek kenäze Vasili II şähärne Qazan Xanlığı xanzadäse Qasímğa bilämälekkä birergä mäcbür bula. 1471. yıldan Qasím şähäre atamasında yöri. 1681. yılğa qädär Qasím Xanlığı başqalası.

17. yözdä Qasím öç öleştän torğan. Qasím xannarı, bäkläre yäşägän İske Bistä häm Tatar Bistäse; Mäskäw qaramağımda bulğan yamçılar bistäse; Marfin Bistäse – şähärneñ Qasím voyevodasında buysığan öleşe.

1910. yılda 17,000 keşe, 2,000 Tatar; 2000.dä – 38,000 keşe, 500gä yaqın Tatar yäşi. 1467. yılda tözelgän taş mäçet, Şahğäli xanğa (1555.) häm Äfğan Möxämmädkä (1658) atap tözelgän törbälär saqlana.