Joseph Haydn
Mula sa Tagalog Wikipedia, ang malayang ensiklopedya.
Si Franz Joseph Haydn (Marso 31 o Abril 1, 1732–Mayo 31, 1809) isa sa pangunahing kompositor ng Kapanahunang Klasiko, tinawag siyang "Ama ng klasikang Sinfonia" at “Ama ng String Quartet”. Bagamat popular siyang tinatawag na "Franz Joseph Haydn" (karamihan sa mga rekording at inilathalang musika ay gumagamit sa kanyang buong pangalan), ginamit ni Haydn ang kanyang pangalawang pangalan na Joseph, na may baybay na "Josef" sa Aleman at pumipirma gamit ang pangalan na "Josef Haydn".
Nanirahan ng buong buhay sa Austria, ginugol ni Haydn ang kanyang pamumuhay sa paglilingkod sa Korte ng mayamang pamilya ng Eszterházy sa kanilang liblib na tahanan. Sa dahilang napalayo siya sa ibang mga Kompositor at sa uso ay napilitang siyang maging "original". Sa kanyang katandaan ay iginalang siya at hinangaan bilang Kompositor sa buong Europa, naglakbay siya upang magtanghal ng sariling Komposisyon sa Paris at Londres at pumanaw sa Lunsod ng Vienna, Austria.
Si Franz Joseph Haydn ay kapatid ni Michael Haydn, isa ring kinikilalang kompositor, at ni Johann Evangelist Haydn, isang mangaawit na tenor.
 |
Isang stub ang artikulong ito. Makatutulong ka sa Wikipedia sa pagpapalawig ng pahinang ito. |
