Superfícia

Un article de Wikipèdia, l'enciclopèdia liura.

L'aira o la superfícia (o eventualament superficia) es la dimension d'una susfàcia. Per metonimia, se designa sovent aquela dimension pel tèrme « susfàcia » ela meteissa (per exemple, se parla de la « susfàcia d'un cairat » mentre que caldriá parlar de son aira).

Lo tèrme aira (del bas latin aera espaci plan) es utilizat en matematicas.

Lo tèrme superfícia es utilizat principalament per de terrens (superfícia d'un jardin, d'un camp) e s'exprimís (dins lo sistèma internacional d'unitats) en mètres cairats (m²).

Mesuras del sistèma metric :

ara (1 a = 100 m²)
ectara (1 ha = 10 000 m²)
quilomètre cairat (1 km² = 1 000 000 m²)

Autras mesuras :

acre o arpent

[Modificar] Calcul de l'aira

Lo calcul d'aira es un domeni ample de las matematicas que va de l'aira de susfàcias usualas fins al calcul integral.

Lo calcul de l'aira per de figuras geometricas elementàrias es simple. Los poligòns mai complèxes se pòdon descopar en triangles, e se pòt alara calcular l'aira de cada triangle :

en geometria euclidiana, l'aira d'un triangle es lo produch de la longor de sa basa per sa nautor, dividit per dos.

Quand s'agís d'una susfàcia delimitada per una corba, se fa una aproximacion d’aquela corba per un poligòn e s’aplica lo metòde çai jos per aver una aproximacion de l'aira ; s'aquela corba se pòt exprimir per una foncion, sufís de calcular l'integrala d’aquela fonccion.