Animisme
Un article de Wikipèdia, l'enciclopèdia liura.
L' Animisme es la cresença qu'una personalitat, un èstre susnatural ( o una ama) abita los objèctes ordinaris e governa son existéncia. Las deessas e los dieus intervenon en tot ço qu'existis. Lo panteisme, doncas, egala Dieu amb l'existéncia. L'animisme es present sustot en Àfrica, al sudèst de l'Asia e als Caraibs, on es mesclat amb d'altras cresenças.
L'animisme acostuma a pensar que las amas sobreviven al còrs e passan a un monde melhor o paradis. De comunautats cresen en la reencarnacion, e atal las amas dels èstres e objèctes que uèi enrodejan la gent podian èstre de personas en d'altras vidas, quitament conegudas, per aquò proclaman que cal far atencion especialament a la relacion amb l'entorn, per respectar aquestes esperits.
Los cultes animistes donan força importància a la magia, als rituals mortuaris e als somnis. Dins d'endreches determinats se liga tanben al vodo e al chamanisme.
I a traças d'animisme en força sistèmas de filosofia, coma dins los escriches de Platon, Leibniz o l'escolastica. L'ilozoisme podria èstre una varianta d'aqueste sistèma conceptual. Edward Tylor, un dels principals estudioses del tèma, ensaja de trobar la justificacion racionala e sociala que pòrta a l'expansion de l'animisme. Sos adversaris li reprochan d'ajuda pas a luchar contra l'idèa recebuda qu'assimila animisme a incultura o a pòble primitiu.
Qualques religions monoteistas (en òrdre d'aparicion):
- Judaïsme
- Cristianisme
- Islamisme
- Fe Bahà'í