Uljanovsk oblast

Frå Wikipedia – det frie oppslagsverket

Uljanovskaja oblast


Uljanovsk oblast sitt flagg	Uljanovsk oblast sitt våpen

Hovudstad

Uljanovsk

Areal

- Totalt
- % vatn

Rangering: 62.

37 300 km²
Ukjent

Innbyggjartal

- totalt
- folketettleik

Rangering: 36.

ca. 1 351 000 (2005)
ca. 36,2/km²

Føderalt distrikt

Privolzjskij (Volga)

Økonomisk region

Povolzjyje

Regionsnummer

Offisielt språk

Russisk

Guvernør

Sergej Ivanovitsj Morozov

Nasjonalsang

Tidssone

UTC +0300

Uljanovsk oblast, (russisk Ульяновская область) er ein provins i Russland og eit av føderasjonssubjekta i den russiske føderasjonen. Hovudstaden er Uljanovsk, arealet er 37 300 km² og innbyggjartalet er 1 351 000 (2005).

Uljanovsk oblast ligg sentralt i Volga-regionen, på begge sider av elva Volga, aust i den europeiske delen av Russland. Området er ganske flatt. Volga sitt elveløp deler provinsen i to, og strekkjer seg 200 km innanfor provinsen sine grenser. Klimaet er kontinentalt, middeltemperaturen i januar er - 14 til -12 grader celsius, i juli + 18 til + 20 grader celsius. 28 % av arealet er skogkledd. Det foregår omfattande oljeutvinning i området.

Elva Volga nær byen Uljanovsk

Nesten halvparten av folket bur i byen Uljanovsk. Den etniske samansetjinga var i 1989:

Russarar: 72,8 %
Tatarar: 11,4 %
Tsjuvasjar: 8,3 %
Mordvinar: 4,4 %
Ukrainarar: 1,3 %

Området som i dag utgjer Uljanovsk oblast vart russisk territorium etter at tsar Ivan den grusomme nedkjempa og erobra det mongolske Kazan-khanatet i 1552. I 1648 vart byen Simbirsk, som i 1924 endra navn til Uljanovsk grunnlagd. I 1870 vart Vladimir Iljitsj Uljanov, betre kjend som Lenin, fødd her. Under den russiske revolusjonen overtok bolsjevikane makta i Simbirsk 10. desember 1917. I 1918 fall byen i dei kontrarevolusjonære kvitegardistane sine hender, men vart gjenerobra av bolsjevikane i september. Under den andre verdskrigen vart fleire offentlige funksjonar evakuerte til Uljanovsk frå Moskva og Leningrad.