Steve Jobs
Frå Wikipedia – det frie oppslagsverket
Steven Paul Jobs (f. 24. februar 1955) i Green Bay, Wisconsin, USA) er administrerande direktør for Apple Computer og administrerande direktør/styreleiar for Pixar Animation Studios.
Jobs er mest kjend for å ha grunnlagt (saman med Steve Wozniak) Apple Computer. Han er òg rekna som ein av dei store pionerane innan dataindustrien, og var den fyrste til å sjå det kommersielle potensialet i det grafiske brukargrensesnittet og musa, noko som førte til at Apple Computer hadde stor suksess med datamaskina Apple Macintosh.
Innhaldsliste |
[endre] Tidleg liv
Jobs vart adoptert av Paul og Clara Jobs etter fødselen, og voks opp i California. Den biologiske systra hans er forfatteren Mona Simpson. Etter å ha droppa ut av Reed College i Portland, Oregon reiste han attende til California i 1974, der han møtte Steve Wozniak. Saman byrja dei å arbeida hjå Atari.
[endre] Apple
I 1976, då Jobs var 21 og Wozniak var 26 skipa dei Apple Computer i garasjen til familien Jobs. Det fyrste produktet deira var den personlige datamaskina Apple I. I 1977 lanserte Apple oppfølgjaren, Apple II. Det vart ein stor suksess og gjorde Apple til ein viktig spelar i den veksande databransjen. I 1980 vart Apple børsnotert, og både Jobs og Wozniak vart mangemillionærar.
I 1983 henta Apple inn John Sculley til å ta over som leiar etter Jobs. Sculley, som kom fra Pepsi-Cola, kom frå starten godt overeins med Jobs, men i 1985 slutta ein maktkamp mellom dei to med at Jobs forlot selskapet. I mellomtida, i 1984, hadde Apple introdusert den støre suksessen sin, den personlege datamaskina Macintosh.
Etter å ha forlate Apple drog Jobs på ein lang ferie til Italia, før han skipa dataselskapet NeXT Computer. I 1996 vart NeXt kjøpt opp av Apple, og i 1997 vart Jobs leiar for Apple att, etter at den administrerande direktøren, Gil Amelio, hadde fått sparken av styret.
[endre] Pixar
I 1986 kjøpte Jobs data-animasjons-avdelinga i Lucasfilm for ti millionar dollar og han førte vidare under namnet Pixar. Då Pixar vart børsnotert etter suksessfilmen Toy Story, vart Jobs dollarmilliardær.
[endre] Privatliv
Jobs gifte seg med Laurene Powell 18. mars 1991, og de har tre born samen. Han har òg ei dotter fra eit tidlegere forhold.
31. juli 2004 vart Jobs operert for kreft
