Nord-Afrika
Frå Wikipedia – det frie oppslagsverket
Nord-Afrika er den delen av Afrika som ligg nord for Sahara, og skiljer seg språkleg, kulturelt og klimamessig frå resten av kontinentet. Området omfattar Vest-Sahara, Tunisia, Marokko, Algerie, Libya og Egypt. I vide definisjonar vert Mauritania, Sudan, Etiopia og Eritrea òg tekne med ettersom dei har hatt mykje av dei same kulturelle påverkingane frå Arabia og islam. I snevre definisjonar vert Egypt utelatt.
Innhaldsliste |
[endre] Kultur
Innbyggjarane og kulturen i Nord-Afrika har røter frå både Afrika og Midt-Austen, men dei er i dag mest knytta til den arabisk-talande muslimske verda. Fleirtalet av menneska som bur der er muslimar, men ein finn òg kristne og jødar. Hovudspråka i området er ulike arabiske dialektar og berberspråk.
Ein kan dela regionen inn i tre ulike kulturelle område: Maghreb i nordvest), Sahara, og Nildalen i aust.
Dei vestlege områda i Maghreb og Sahara er prega av berbisk og arabisk kultur, i tillegg til tidlegare påverknad frå middelhavsfolk som nubiarar, grekarar, fønikarar, romarar og vandalar. I Sahara går eit skilje mellom fastbuande i oasar og nomadiske beduinar og tuaregar.
Nildalen kan spora kulturen sin tilbake til faraotida i det gamle Egypt, og har i tillegg til ein muslimsk majoritet grupper av kristen koptarar. Lenger sør i området bur hovudsakleg ikkje-muslimske nilotar og nubaer.
[endre] Historie
Opphavleg var innbyggjarane i det meste av Nord-Afrika svarte afrikanarar, men mange av desse forlet området då Sahara vart ein ørken. Ein av verdas eldste sivilisasjonar oppstod i Egypt for fem tusen år sidan. Sidan grunnla fønikarane og romarane koloniar langs kysten.
Området vart invadert av muslimske arabarar på 600-talet, og regionen med unntak av Marokko kom sidan med i Det osmanske riket. På 1800-talet vart det kolonisert av Frankrike, Storbritannia, Spania og Italia. Alle dei nordafrikanske statane vart sjølvstendige på 1950- til 1970-talet, bortsett frå nokre små spanske koloniar lengst nord i Marokko, og Vest-Sahara, som fortsatt er okkupert av Marokko.
Området hadde tidlegare ein stor jødisk busetnad, sefardiske jødar, som var komne dit under europeiske forfølgingar i renessansetida. Dei fleste av desse emigrerte til Frankrike eller Israel då dei nordafrikanske landa fekk sjølvstende. Medan det fantest 600 000–700 000 jødar i området før Israel blei til, er det i dag igjen bare rundt 15 000 i regionen.
[endre] Sjå òg
[endre] Geografiske områder
| Nasjon med flagg | Areal (km²) |
Befolkning (1. juli 2002 est) |
Folketetthet (per km²) |
Hovedstad |
|---|---|---|---|---|
| Nord-Afrika: | ||||
 Algerie |
2 381 740 | 32 277 942 | 13,6 | Alger |
 Egypt |
1 001 450 | 70 712 345 | 70,6 | Kairo |
 Libya |
1 759 540 | 5 368 585 | 3,1 | Tripoli |
 Marokko |
446 550 | 31 167 783 | 69,8 | Rabat |
 Djibouti |
23 000 | 472 810 | 20,6 | Djibouti |
 Eritrea |
121 320 | 4 465 651 | 36,8 | Asmara |
 Etiopia |
1 127 127 | 67 673 031 | 60,0 | Addis Abeba |
 Somalia |
637 657 | 7 753 310 | 12,2 | Mogadishu |
 Mauritania |
1 030 700 | 2 828 858 | 2 7 | Nouakchott |
| Djibouti |
23 000 | 472 810 | 20,6 | Djibouti |
| Eritrea |
121 320 | 4 465 651 | 36,8 | Asmara |
| Etiopia |
1 127 127 | 67 673 031 | 60,0 | Addis Abeba |
