Jørgen Løvland

Frå Wikipedia – det frie oppslagsverket

Jørgen Løvland (fullt namn Jørgen Gunnarson Løvland, enkelte gonger omtala som Jøren Gunnarsson Lauvland), var fødd 3. februar 1848 og døydde 21. august 1922 i Kristiania. Han var ein norsk politikar som vart statsminister. Elles var han ein lærarutdanna redaktør.

Løvland var bondeson frå Evje i Setesdal i Aust-Agder fylke, fødd på garden Lauvland. Løvland var sentral under unionsoppløysinga i 1905, og vart Noreg sin fyrste utanriksminister. Politisk høyrde han til partiet Venstre, og var statsminister av Noreg frå 28. oktober 1907 til 18. mars 1908. Han var òg oppteken av norskdom og av målsak.

• 1865 avgangseksamen frå Holt seminarium (lærarskulen Christianssands Stifts Seminarium på Holt i Aust-Agder )
• Lærar og redaktør i Kristiansand frå 1866 til 1885.
• Stortingsrepresentant frå 1886 til 1888, frå 1892 til 1897 og frå 1913 til 1915.
• Odelstingspresident frå 1892 til 1897.
• Arbeidsminister, sjef for Departementet for de offentlige arbeider, frå 17. februar 1898 til 22. oktober 1903. Frå 1. mars 1899 til 15. juni 1900 i statsrådsavdelinga i Stockholm.
• Formann i Den Norske Nobelkomité frå 1901 til 1922.
• Statsminister og leiar for den norske statsrådsdelegasjonen i Stockholm frå 11. mars 1905 til 7. juni 1905.
• Fungerande Utanriksminister i Christian Michelsen si regjering frå 15. juni 1905 til 27. november 1905.
• Utanriksminister, minister for de udenrigske Anliggender, frå 27. november 1905 til 19. mars 1908.
• Statsminister frå 28. oktober 1907 til 18. mars 1908.
• Leiar i Noregs Mållag frå 1909 til 1912.
• Frå 1910 til 1913 leiar for ein kommisjon som skulle greia ut spørsmål om revisjon av matrikkellovgjevinga og ein særskilt skatt for verdistiging av grunn.
• Stortingspresident frå 1913 til 1915.
• Kyrkje- og undervisingsminister, i Gunnar Knudsen si 2. regjering, frå 26. oktober 1915 til 21. juni 1920.
• 7. juni 1928 vart ei byste av Løvland avduka i "æreslunden" på Vår Frelsers gravlund i Oslo. Noregs Mållag og vener sette opp dette minnet .

[endre] Litteratur

• Per Eivind Hem: Jørgen Løvland : vår første utanriksminister, Oslo 2005. ISBN 978-82-521-6428-2 ib.82-521-6565-6

[endre] Lenkjer ut

• Jørgen Løvland- ein statsmann Nettutstilling om Løvland
• Jørgen Løvland Nasjonalbiblioteket
• Seminar om Jørgen Løvland: Brubyggaren og statsmannen Noregs Mållag