Audnedal

Frå Wikipedia – det frie oppslagsverket

Våpen	Kart

Grunnleggjande opplysningar
Kommunenr:	1027
Fylke:	Vest-Agder
Administrasjonssenter:	Konsmo
Flatevidd:	254 km²
Folketal:	1556 (2006)
Målform:	Nøytral
Internettside:	www.audnedal.kommune.no
Politikk
Ordførar:	Tønnes Seland (BfA) 2003

Audnedal er ein kommune i Vest-Agder fylke. Audnedal er ein innlandskommune, som grensar til Aust-Agder fylke i nordaust. I nord grensar kommunen mot Åseral kommune, og i vest mot Hægebostad kommune. I sør er grensa mot Lyngdal og Lindesnes kommunar, og i aust mot Marnardal kommune.

I 1963 vart Konsmo og Grindheim kommunar og delar av Bjelland kommune slegne saman til Audnedal kommune. byd på godt fiske etter laks og sjøaure. Riksveg 460 går i elvedalen. Sørlandsbanen kryssar kommunen og Audnedal stasjon er stoppestad for fjerntog. Vest for stasjonen går banen gjennom Hægebostadtunnelen som er mellom dei lengste jernbanetunnelane i Noreg.

[endre] Folkesetnad

I 1875 hadde Audnedal etter kommunegrensene av i dag 2.159 innbyggjarar, det høgaste talet som er registrert. Innbyggjarrtalet gjekk jamt nedover fram mot den andre verdskrigen. I 1930 låg talet på 1622. Nedgongen hadde mellom anna samanheng med at ei rekkje heiegardar vart for tunge å driva. Minst 50 heiagardar i Audnedal vart avfolka i tida frå 1890 til 1940.

Mange utvandra til Amerika for å finna eit nytt utkome. Over 1.200 personar med “Undal” som bustad er registrert som emigrantar berre i åra frå 1877 til 1907. Truleg var det kring 2.500 personar frå Audnedalen som reiste over Atlanterhavet for kortare eller lengre lengre tid fram til andre verdskrig.