Søgne

Frå Wikipedia – det frie oppslagsverket

Våpen	Kart

Grunnleggjande opplysningar
Kommunenr:	1018
Fylke:	Vest-Agder
Administrasjonssenter:	Tangvall
Flatevidd:	148 km²
Folketal:	9609 (2006)
Målform:	Bokmål
Internettside:	www.sogne.kommune.no
Politikk
Ordførar:	Eli Løite (H) 2003

Søgne er ein kommune sør i Vest-Agder fylke. Søgne er ein kystkommune, mellom kommunane Kristiansand, Marnardal, Songdalen og Mandal. Søgne er kjend for sin skjergard med 1 229 holmar og skjér. Kommunen er den i landet med flest soltimar i året. Fleire kjende diktarar og kunstnarar har budd i Søgne, mellom anna Bjørnstjerne Bjørnson og Vilhelm Krag. Namnet Søgne kjem av elva med namnet Sygna frå norrønt språk, no Søgneelva. Namnet tyder Sygna-dalen'.

Kommunesenteret ligg på Tangvall.

Frå Høllen, som er Søgne si "hamn", kan ein ta rutebåt til dei folkesette øyane Ny-Hellesund og Borøya. I tillegg kan ein vitja Olavsundet og kystfortet i Ny-Hellesund. I Høllen låg det tidlegare eit båtbyggeri/verft.

[endre] Historie

1030 (om lag) - Runesteinen, som står ved Søgne Gamle Prestegard, vart laga. "Øyvind reiste denne steinen etter Gunnvald, son sin".

1842 - Stor skipskatastrofe utanfor Søgne. Det russiske skipet "Ingermanland" havarerte. Om lag 400 menneske omkom. 1885 - Amaldus Nielsen malte i Ny-Hellesund, mellom anna "Morgen ved Ny-Hellesund".

1917 - Vilhelm Krag fekk "Havbugta" i Ny-Hellesund i gåve. Han budde der store deler av året og døydde der den 10. juli 1933.

1931 - Den fyrste norskbygde dieselmotor for småbåtar vart bygd i Høllen av Ole Tjomsland.

1940 - 1945 2. verdskrig Tysk okkupasjon. Festningsverk vart oppført på Helgøya i Ny-Hellesund(Kystfortet), og på Braneset på Åros og på Lastad ved utløpet av Trysfjorden.

1959 - Anne Marie Rasmussen vart 24. august vigd til Steven Rockefeller i Søgne hovudyrkje med heile verdspressa til stades (over 200 journalistar).

1966 - Kristen Fløgstad vart noregsmeister i lengdehopp for juniorar. Fløgstad var med i finalen i Dei olympiske leikane i 1972. Personlege rekordar: 8,02 m i lengde og 16,44 i tresteg.

1994 - Sensasjonelt steinalderfunn under vatn ved Hummervigholmen i Søgne. Steinalderkvinna "Sol", Frua frå havet, levde i Søgne for 8 600 år sidan.

2003 - Bageriet brenn på Tangvall. Under tomtearbeidet ved atterreisinga vert det funne restar av 6 tyske einmanns-ubåtar av typen Biber (Tysk nettstad med ubåtinformasjon) som vart gravne ned i 1945. Ein av ubåtane er tenkt restaurert for utstilling.