Vagels
From Wikipedia
En Vagel (pl. Vagels) is en Beest, wat Flünken hett. De Vagels sünd en Klass vun de Vertebrata. Op Latiensch heet se Aves. Vagels hebbt Feddern un warm Blood. Dat Hart hett veer Kamern.
De Vagels leggt Eier. Dor köömt de Lütten rut, de warrn Küken naamt. Tomeist kümmert sik de Vaagels üm de Lütten. Se moot toeerst en Nest, wo se de Eier rinleggt. Denn sitt se op de Eier un hollen se warm, dat is dat Bröden. Wenn de Lütten denn rutslüppt, denn kann dat angahn, dat se glieks teemlich sülvststännig sünd. Dat sünd de Nestflüchters. Ellers sünd se naakt un bloot un mööt mehr vun de Öllern betüdert warrn. Denn sünd dat Nettsitters.
De lüttsten Vagels, dat sünd de Kolibris in Süüdamerika. In Middeleuropa is de Tuunkeunig de lüttste Vagel. De gröttste Vagel is de Afrikaansche Struuß. De gröttste, de flegen kann, dat is de Kondor in den Anden in Süüdamerika.
Nich all de Vagels köönt noch flegen. De Pinguinen sünd goot in't Swemmen, aver flegen köönt se nich. Un de Kiwi ut Niegseeland kann ok blots lopen.
Vagels ward ok in de Landweertschop trocken. Dat sünd besünners
Un natürlich gifft dat in Noorddüütschland ok wild levende Vagels.
