Mennoniten
From Wikipedia
De Mennoniten sünd ene Freekark mit 1,5 Millionen Minschen. De Mennoniten sün ene Freedenskark, dat heet dat se de Tjrich stets ablehnen un keene Soldaten sien dröwwen. Et geev de theologische Richtungen so as de flämische un de freesche Richtung. In Friechstadt in Holsteen warr in de Hansetied ene flämsche Mennonitengemeente gründet, de sik mit de freesche un de süddüütsche Mennonitengemeente verenigt. In Danzig, Emden, Leer, Hamborg un Norden weern flämsche Mennonitengemeenten, de sik later mit de freesche Mennonitengemeenten verenigt hebben. Ene Aunsiedlung vun Mennoniten ut Düütschland, de vun flämsche Afkumst weern, wear Chortitza in de Ukraine. In Groningen geev et vun 1554 bet 1809 ene flämsche Mennonitengemeente, de 1809 mit de Vereenigde Vlaamsche en Waterlandsche Gemeente fusioneert hett. In Amsterdam, Haarlem, Ljouwert, Okkum, Kaliningrad un Rotterdam geev et uck flämsche Mennonitengemeenten. In Westfalen geev et in't 18. Johrhunnert 2 Mennonitengemeenten, ene in Hamm un ene in Petershagen. An't End vun't 19. Johrhunnert warr hie vun Lü ut de Nedderlannen de Gemeente in Gronau gründ't, de uck vandage dao is. Noh de tweede Welttjrich geev et uck wedder mehr denn ene Gemeente in Westfalen, de Mennonitische Kirche von Westfalen, de in Builefeld, Ossenbrügge un annere Öörd Godsdienste harr un de 1952 gründ'te Mennonitengemeente in Espelkamp. Vandage sünn in welke westfälsche Städer grote Mennonitengemeenten, uck Hamm, Bielefeld un Espelkamp.
Veele Mennoniten sünd utwannert, so dat hüüt in över 60 Länner Mennoniten levt. De gröttsten Andeelen hebbt de USA un Kanada (42 %); Afrika (Tansania un annere) (28 %), Asien un Australien (16 %); de Karibik, Middel- un Södamerika (9 %) un Europa (5 %). Faaken snackt de Mennoniten hüüt Plautdietsch, wat to't Plattdüütsche höört.
- Plautdietsch-Freunde e.V. (http://www.plautdietsch-freunde.de) (Äwer de Dialekt vun Mennoniten vun en Vereen in Westfalen)
- Literatur: Mennonitisches Lexikon
- MennoPedia en Mennoniten Nokieksel [in Düütsch)
