Holsteen
From Wikipedia
Holsteen is een Deel vun Sleswig-Holsteen, un twors dat södlich Rebeet. Afgrenzt ward Holsteen in'n Westen un Söden vun de Nordsee un de Elv, in'n Osten vun den Ratzeborger See un de Wakenitz, in'n Norden vun de Eider.
De Naam Holsteen kümmt vun de Holcetae, wat de ole Naam vun een vun de dree Sassenstämm nördlich vun de Elv weer to de Tied as Adam vun Bremen sien Gestae schreew. Översett schreew he: Tweedens de Holsteener (Holcetae), de so vun de Hölten naamt sünd woneem se in waahnt. Dör ehr Rebeet geit de Stör (Sturia), de Kark is in Schenefeld (Scanafeld).
