Evangeelsch-reformeerte Kark

From Wikipedia

De Evangeelsch-reformeerte Kark (kumpleet Naam: "Evangeelsch-reformeerte Kark – Synode van de reformeerte Karken in Bayern un Noordwest-Düütschland") is de eenzige blot reformeerte Kark vun de Evangeelsche Kark in Düütschland (EKD). De Evangeelsch-reformeerte Kark is een lütte Kark, män in vele düütsche Länners. De meeste Liddmaten vun disse Kark sünd in Neddersassen, besünners in Oostfreesland un de Graafskupp Bentheim. Bannig wenige Gemeenten kehmen vun de Hugenotten as de in Hannober un Cell, wat Verenigungen vun düütsche un Hugenottengemeenten weern.

De Kark hett hör Hööftseet in Leer. Präsident van de Kark (dat is sowat as'n Bischop) is Jann Schmidt.

[Ännern] Evangeelsch-reformeerte Kark in Bayern

De gröttste Gemeenten vun de evangeelsch-reformeerte Kark in Bayern sün de St. Martha-Gemeente in Namberch, de Gemeente Leipzig un de Gemeente München-Isarvorstadt. Dat gifft ok lütte düütsche Gemeenten in Bayern in Schwabach, Herbishofen (inst zwingliansch), München-Neuperlach, Marienheim, Bad Grönenbach (inst zwingliansch) ,Bayreuth un de ut ene Hugenotten- un ene düütsche Gemeente entstanden Gemeente Erlangen. Dat gifft ungarsche Gemeenten in München un Namberch. De lütte Gemeenten vun de Kark, de nich in Bayern sün, sün de Chemnitzer Gemeente, de vun Hugenotten gründ'te Stuttgarter Gemeente un de Wallonsch-Nederlannsche Gemeente Hanau (Översettung vun de Nam vun de Gemeente).