Hannober
From Wikipedia
Hannober (hoochdüütsch: Hannover) is de Landshööfdstadt vun Neddersassen, an de Leine un an'n Maschsee, mit bi 500.000 Inwahners. Hannober is Seet vun'n Landkreis Region Hannober.
Hannober is mehrfach Hoochschooloort: Hier sünd blangen de Universität Hannober de Medizinsche Hoochschool Hannober, de Musikhoochschool Hannober, de Tierärztliche Hochschule Hannober (för de Beester) un de Fachhoochschool Hannober.
In Hannober warrt elk Johr dat gröttste Schüttenfest op de Eer fiert.
Hannober is de Seet vun de Evangeelsche Kark in Düütschland. Dat is nich all, wiels hier ok Nichchristen stark vörhannen sünd: Vör den Krieg weer Hannober ene vun de twee groten düütschen Städer mit över twee Perzent freereljöse Lüüd in Düütschland, de anner weer Meideborch. Vundaag sünd vele Lutheraner in disse Stadt mit Russ'sch as Moderspraak.
Vundaag hett Hannober de anner oostfälsche Hööfdstadt, Meideborch, as Partnerstadt. Hannober hett een vun de gröttsten Messen op de Eer. De Messegelände is dat gröttste op de Eer. Hannober is de Stadt, wo de vörmalsche Bundskanzler Gerhard Schröder leevt. Hannober, siet mehr as 100 Johr ene bannig starke SPD-Stadt, hett in sien Historie keen CDU-Böverbörgermeester hatt.
Beröhmte Lüüd ut de Stadt weern to'n Bispeel de Philosoph Leibniz, de Schriever Iffland un Frank Wedekind, de Astronom Wilhelm Herschel, de Vörsitter vun de Deutschnationale Volkspartei Alfred Hugenberg, de SA-Chef Viktor Lutze, de dadaistisch Maler Kurt Schwitters, Herschel Grynszpan un de SPD-Politiker Egon Franke.
De Vorwärts, dat Zentralorgan vun de SPD, wörr hier na den Tweten Weltkrieg grünnt. Hannober is ok en Deel vun Neddersassen, de Deel, wat inst dat Königriek Hannober weer. Dat Königshuus Hannober weer denn ok in England an de Macht.
[Ännern] Weblenks
- Websteed vun de Stadt (hoochdüütsch)