Apple
From Wikipedia
Apple Computer weer 1976 vun Steve Jobs un Steve Wozniak (Ökelnaam „Woz“) in de Garasch vun Jobs sien Öllern grünnt. För dat Startkapitaal harrn se Jobs sien VW Bulli un Wozniak sien Texas Instruments Taschenreekner verkööpt.
Steve Paul Jobs un Steven Wozniak klabastern den eersten Reekner in de Slaapstuuv vun Job sien Öllern in Los Altos un maken dor 1976 den Apple I, de för 666 US-Dollar verkööpt warrn is. 1980 weer Apple Computer in en Aktiensellschop ümwannelt un de fröhere Partnerschop mit de beden Firmengrünners un Ron Wayne ging toenn.
Na den swachen Spood vun den Apple I keem de mit den Apple II, den se mit dat Geld vun den Verkoop vun den Apple I kregen harrn. Düsse Reekner is bet 1985 knapp 2 Millionen maal verkööpt warrn.
[Ännern] De Macintosh
Im Johr 1984 hefft Apple den Macintosh, (Afkörtt: Mac) präsenteert. De Mac weer de eerste bruukbare Reekner mit een Muus un een graafsche Böversiet. De Mac hett en Paket vun brukbaren Programmen: Mac Write, en Schriefprogramm; Mac Paint, en Programm to'n Malen un Verännern vun Biller, de Taschenreekner un vele annere. Annere Anbeders hebbt för de Mac Programmen maakt, de bet hüüt verköfft warrt, to'n Bispill Word un Excel vun Microsoft.